La rampegada – Di Cornelio Galas

Te parti sul còmot
sentéri segnai da altri
cartèi rossi e bianchi
No te pòdi sbagliar
 
Pò mam mam
che i àrboi i deventa pìcoi
pròpri ala fim
de gran geròni
te vedi sol, arènt a ti
i mughi, prée rote
e canaloni.
 
Te toca dropar ciodi
martei, corde e laóri
per nar en su
(no stà vardar zo).

Prima le mam,
dopo slongàr i pèi
prima tastàr
dove zamai te sei.
E su, poch ala volta
semper col cul

tacà a quela ròza.
Te vei adòss en balòt?
Tut mal ghè el casco.
La sgeva t'ha sponzù
dropa entant el talco.

E su, ma che fadiga,
la testa che te gira,
ma 'ste robe prima
nesuni che le diga.
Te par che manca poch
e 'nvenze no l'è vera,
te se sèra i oci
zamai pieni de gièra.

E su bisogna nar
che 'ndrio l'è pu longa
eh sì l'è tut n'arfiàr
se no te perdi l'ànda.

La zima en do saràla
che no la vedo pu?
Ghè nebia su de sora
el sol no èlo vegnù?
 
E quando, ale tante
te arivi fin lasù
quando zamai te sai
pu de um lezù
varda che destim
tuo come per i altri
sul col i t'ha metù.

Adès si, tel sai
come se fa a rampegàr
te conòssi tuti i tochi
come per sbianchezàr.
Pecà che da quela zima
te poi anca gosàr
da sera a la matina
nesuni te scolterà.