El stramisióm – Di Cornelio Galas

25/05/2025

La poesia della domenica del nostro... Cornel

El ride semper
anca per se cont.
El se frega le mam
(zamai l’è en tic)
come se ‘l spetes
qualcos de bel.

«Ti dame i soldi.
Scólteme mi
e te vedrai
che bom frutar.»

L’ è brao a tirar for
da grossi giomi
quel che ‘l zerca
o l’ha perdù.
 
Se ‘l va per ufizi
o da zent che conta
el par semper sugà
ma no ‘l ghe ‘n zonta.

Domandeghe pura
(ma l’è meio de no)
se ‘l ga paura
de far en bot.

El te dirà
che tut l’è a posto
el giurerà
che lù l’è tosto.		       

Sol quando te narai
con dubi a bater cassa
zamai te capirai
che l’era en ganassa.

Adès coreghe drio
se te par de brincarlo
daghe pur dela canaia
se te magna sto tarlo.

Ma no sta dir en giro
no sta dirlo massa
che te gai dat oro
e ades te trovi gràssa.

Ricordete che i soldi
se no i è guadagnai
i fa prima o dopo
la fim del tananai.

Sol i stramissioni
quei che ghe sa far
i gà goba e cul
per far el bom afar.

I snasa, anca da lontam
quei che i so soldi
i mete sol en mam
ai soliti manigoldi.


© Riproduzione riservata