Deventar veci ma contenti – Di Cornelio Galas

Eh sì, te te vardi al spegio. E te vedi entant che la barba l’è semper pu bianca.
Che te g’hai le fizze en banda ai oci (ma anca sora, soto, de chi…toh, varda anca de la). Che la panza la vanza en fora. Che a far le scale te vei i afàni.
Che sì, te ghe la fai ancora a sciar ben o mal come na volta. Ma se ghè da nar su a scaleta… te vedi la madona, i anzoi e anca sant Butete Zò che te dà l’oi sant quando te sei arivà en font. Però, come dir, se torna endrio. A l’età dei puteloti.
 
Non de cólp. Piam, piam. Per esempio te robi i ciocolatini de not dal casetìm dela camera del bocia.
Te vai al supermercato e t’emboschi do luganeghe fresche da ciuciar en machina.
Dove te gai anca la bocéta de profumo per far nar via l’odor de ài.
Te fai le tóe. De scondóm. Epperò te vedi con oci diversi quel che te gài entorno.
Madona, che bel posto che l’è sto chi dove abito.
 
Pensa che gh’è zent che vei da posti lontani per farghe le ferie. E noi prenotém per chisà dove.
Varda che zent che gira.
Ciao Toni, te sarai anca piém de soldi ma te fai na vita… E l’altro, da del là de la strada… Cornelio, farse en piatim de cazi soi no ah?
Te vai al bar dal Giacomo e ‘l sa zà quel che te voi.
Ma no l’è sol comodità. L’è che te ghe voi bèm a sti posti dove da zóven te girevi sempre en pressa. E ades envéze te te fermi, e te mandi a farse ciavar tut el rest.
 
Ostrega, no farò miga la fim de quei pensionai che se ferma davanti ai scavi de l’enel e che ghe dis ai operai: «Vardè che chi avè zà usà le bene l’am passà… desmentegà qualcos?»
Som sciopà? Ah che bel risponderghe quando i te lo domanda.
Sì, som sciopà, e alora? Te starai meio ti che te te tegni tut el gas de le to miserie dentro.
Che te sei rebùf, malmostós, ciucià da le strie, quasi més en costa.
Che te se vede proprio sto balóm che te ‘sgionfa. De penseri, de casini, de robe che no le va drite gnanca a darghe col martel.
 
Mi ghe credo ale légi fisiche. Se i soldi i cala da na banda vol dir che i va en scarsela a qualchedùm da l’altra.
Bruciati 50 miliardi de euro in borsa… ma chièlo che de sti tempi se permete de brusar i soldi.
Ma valà, i è sparidi soto el banc. E qualchedum l’è drio a ‘n muciarli.
 
E quel por laór che compra el grata e vinzi. Grata e perdi, scuseme. Ma sì, i togo anca mi.
Te vardi… zinque euro. Bom te rizughi. Gnènt.
Te ne compri n’altro. Dese euro. Bom, zinque per i zigareti e te rizughi. Gnènt.
N’altro ancora. Zinque euro. E ritaca banda.
Te fai do conti… oscia me sà che g’ho zontà…
E savé na roba, fresca fresca, roba che no avria mai dit? I ha méss el grata e vinzi nel «paniere».
Cioè néle robe che l’Istat el varda per decider se la va bem o la va mal,