Galas Ricordi/ 8 – Quella volta, Gino Paoli alla «Vecia Caneva»

>
Sì, sì sò zà la batùa dopo quel che gh’è suzès al Paoli con quei soldi en Svizera: «Vàrdei lì i quatro famosi amizi al bar… quei che po’ no paga le tasse».
Boh, no so, spero ben – per el Paoli e anca per i taliani (paga semper la pora zènt?) che vegna for prest la verità. Entant, propri en sti di chì, el Donatello Casali de Bolignàm (quel che ha sonà anca con cantanti famosi e adès prest el scominzierà, cantando la sera, la nova stagiom) l’ha trovà nei scatoloni sta vecia foto.
Che l’aveva scatà – lù alora el feva el camerier propri lì -– vecia «Caneva» (quela del Serafini), dove adès gh’è el ristorante cinese) de via Fiume a Riva del Garda quela sera che Paoli e Gianco i era vegnui lì a magnar dopo ’n concerto al Palacongressi.
L’è stà quela sera che en qualche maniera gh’avevo fat – ai dòi – n’intervista per l’Adige. E propri quela sera ero riuscì anca a farghe cantare «Mamma son tanto felice…». Oh, na canzon che gh’ò sol mi su ’n vecio nastro.
El Gino – semper mì drio a scaldar cola… – l’aveva volù anca tastar finalmente (gh’avevo fat na testa … ) la carne salada coi fasòi en bronzon. La gh’era piasèsta se vede perché l’ha fat anca el bis.
Ah, che no vegna for monàe… mi i soldi i ho semper portai ala Rurale de Bolignam (adès Casa Rurale de l’Alto Garda) e po’ ala Casa de Risparmio de Trènt e Roverédo (adès Unicredit).
En Svizzera son nà anca mi. Ma sol per comprar la ciocolata e, nel vegnir de volta, a Livigno per tor en par de steche de «emme esse».
No, che no i vègna a méterme nei gazeri anca mi, diaolporco neh…