Perché fa frét da noi adès? – Di Cornelio Galas

No càpita spés - dopo na Pascua alta, almém - de sentìr, en d'en bar, domandar en brulé.
Va bèm, va bèm, el tèmp, 'l cul e i sióri - se sa - i fa quel che i vòl lóri.
Ma no l'è quéla so mare, no l'è quél el concèto... No gh'è pù le mèze stagiòm?
Ma alóra se dovrìa passar da l'inverno a l'istà, saltando la primavera. No tornar endrìo a l'inverno.

Epùr cosìta la và en sti dì chì. Dove pù che vestirse a zìgola te convèi tòrte drìo el paltò, el piumìm...
E meno mal che el Giuliaci, su Canale Zinque, temp fa el diséva che avréssem tut mal podù far le grigliade almem el lùni dopo Pascua.
Giust stamatina l'ha dit che vegnirà, se se pòl, ancor pu frét... Senza spiegar perché qualche dì fa l'aveva dit tut viceserva.
Quel che me par a mi l'è 'nvéze che l'è véra che 'l mondo se 'l se sta scaldando sèmper de pù là dove fim a qualche am fà l'era frét. Là dove i giàzi i se cóla.
Perché fa frét da noi adès? Ve 'l spiego mi valà.
L'è che al Polo Nord zamài i ha 'mpizà tuti el climatizatór. Senza però seràr le porte.
Così l'aria fréda la vèi zò da noi. Ghè sol da sperar che st'istà no i ne manda anca el cont...