El trentin en gita col circol pensionai – Di Cornelio Galas

(Dopo un quarto d’ora, sul pullman)
- Oscia, però i podria bem fermarse ìn den grill per ’n cafè, tor i giornai, nar a pissàr… No gavèm miga el foch soto l cul…  no l’è che se arivém mezora pu tardi i ne manda de volta dai…
(Dopo un’ora)
- Mi capisso bem che i gà i so orari da rispetar… ma ’cramento… no ne core miga drio nesùn… po’ dopo Afi col cuco che te trovi i giornai de trent da compràr… Dai demò… ma ti Giani a st’ora no te magneressi ‘na ciopèta co la bondola da bagnàr co ’n bianchet?

(Gianni)
- L’era meio se steven su dale nosse bande, che ancoi ghera anca la festa de san tomàs, quela de l’ua, so fiol, so néza e fritole…averlo savèst… l’è che la sposa la ghe tegnìva a nàr a veder ’sti monumenti…
- Vot che te diga ’na roba? No so gnanca mi che monumenti che nem a vedèr…i ha fat quela sera a l’università dela terza età, la signorina l’ha spiegà anca bem dai, ma…ero encoconà…dala peverada, forsi quel vim massa spès…no so…
-Ma l’è enteressante, ah per quel la signorina l’ha dit che bisogna vardarli…però dopo se va a magnar en tratoria, quel va bem dai…
- Me sa che però i ne dà prima ’na stomegada…
-Ma no, dai, l’è anca istrutivo no veder ’ste robe… oscia ho desmentegà la machineta per far le foto…che gavevo promès a me neò…
- Ma dai che ghe sarà anca i so libreti nei tabachini… te ghe porti quei…però se no i se ferma adès me la fago ’n braghe oscia…
 
(Fermata al grill)
- Ah i s’è decisi ale tante…
(Alla cassa)
- Do pacheti de emmesse de quei duri, en cafè e subit drio en panim co la bondola e ’n bianco de quel bom… quant vei fora?
(Cassiere)
- Enzo, Enzooo… vieni un po’ qua che non capisco ’sta strana lingua… tu magari che sei andato anche sulle navi da crociera… dai sbrigati…
 
(Di nuovo in pullman)
- Oh, vara che farse entender… l’è pu difizile chi ’n Italia che a l’estero neh… Oh, spiegarghe la diferenza tra mortadela e bondola… la ghè volesta tuta… che dopo per lori l’è la stessa roba, dime ti…
(Arrivo)
- Dai che smóntém valà che son tut encricà…che streti ’sti sentài ah? L’è tut per sparmiar, per meterghen su tanti no…
(La guida)
- Benvenuti, cominceremo la visita della parte storica della città, quella edificata dai romani…come potete vedere alla vostra destra ci sono ancora i resti di un anfiteatro…mi raccomando cerchiamo di non perderci…
- Te l’avevo dit mi che se neva ‘n giro soto ‘l sol a vardar mureti veci…balòti…sgrebeni… scolta, fate dir dal capo, da ‘l Fulvio, ‘n dove i se trova a magnar che noi ne trèm envanti…-
 
(Tre ore dopo)
- Ma sét sicur che l’era questo el posto? El me par strano… Eh sì che Ma te set fat spiegar bèm?
- Oscia, l’ombrelina rossa, anca la guida l’aveva dit no…
- Ma hat parlà col Fulvio o co la signorina?
- No, el Fulvio l’era ciapà…oscia la signorina la m’ha dit de star sempre en zerca de l’ombrelina rossa che no ne naseressem persi… e chi de ombreline rosse ghe n’è assà me par…
- Sì, ma no vedo nesuni dei nossi… oscia, cinesi tanti, ma dei nossi…
- Vara, fen così, per no saver lezer e scrivere, nem denter chi, bevem qualcos e spetém… te derai che quando la bate i vei chi ’cramento… I se stuferà prima o dopo de vardar mureti che gavria bisogn de malta per star su…
 
(Arriva una cameriera del ristorante cinese)
- Mangiale? Due?
- Sì, la varda entant la ne porta qualcòs da bever che per el magnar spetém el rest dela compagnia…
- No capile…
- Tei, ma sente en Italia o quel del pullman l’ha sbaglià straa? L’era meio se steven a cò, te l’ho dit mi, chi prima de capirse… vei zamai ora de zena…