L'è 'n nòf rebaltóm... – Di Cornelio Galas

No, lassé star quel del '43 (Oddio, mai dir mai de sti tempi neh), che l’è stà en 48….
No 'l ghe zéntra per gnènt. Sto chì, però, l'è de fato en nòf rebaltóm, en casìm, na confusióm che propri no la ghe voléva dopo quela – che gh’è ancora – del covid.
Gh'è adiritura qualcheduni che se trà envanti. E tocàndose qualcòs tra le gambe el pensa adiritura ala envasióm dele cavaléte (gh'è zà stà quela dele zìmizi, per quel), ale aque che deventa rosse de sangue o perfim al diluvio universale (e questo, dis qualchedum, dopo sta sùta... dai no 'l farìa gnanca mal pu de tant).
 
Ma a parte le batùe (scuséme se ogni tant zerco de butar en vàca robe serie, ma l'è rider per no pianzer, se sa) disénte che non sém messi bém. Per gnènt.
Anca se gh'è ancora quei che dis che, sicóme la tèra l'èi piata, sicóme el coronavirus l'è na monàda, anca quei cine, quele foto che ariva dala Ucraìna... l'è tut bàle.
E che i russi i gavrà le so bòne resóm per far quei mazèi.
 
Mi, per no saver né lezer né scriver (da bon giornalista), nel senso che no pòdo vardar coi me oci quel che suzéde da quele bande, me par tùtmàl che gh'è tanta zènt che scapa da le so case.
Che qualchedùm ha pur sbarà vizim ale centrali nucleari, diàolpòrco. Che sarìa come empizarse en zigarét entant che te fai el pieno de benzina. E vizim al bus del serbatoio perdepù.
E che i casi i è doi: o quei condomini butài zò dale bombe i è a Zinecità a Roma, o l'è vera che no sem nai sula Luna ma i ha fat en documentari en qualche deserto del Messico, o l'è tut vera.
E alora da qualche canóm quei colpi i deve esser partidi.
 
Zerto, se en Russia quei che parla de guèra i li empachéta su e i buta via la ciave dela presòm... l'è dura pensar che quela l'è – come i dis de dir en maniera corretta – n'azione speciale de pace en Ucraina.
Anzi, se te disi «Fago su ’na guèra» perché te sei encazà, i te mete dent istéss.
Ma no volerìa nar denter robe masse difizili da capir. Digo sol che de colp de covid no se parla pù (o elo pù ’mportant parlar del catasto?) che tanti i ha scominzià a dirne de bò e de vaca dei russi, de tutti i russi, de tut quel che ghà dentro la parola qualcòs de russo.
E alora no va bem.
 
Stem deventando pezo de quei che varda el color de la pel o 'l modo de parlar, de vestirse, de far... quel che i dovrìa esser liberi de far.
No, me dispiàs. No ghe stago a tirar sassi dal cavalcavia contro le targhe russe. Anca per el fatto che no credo che tuti i sia d'acordi con quel che fa el so capo.
Basta veder come Putin l'ha tratà el comandante dei so servizi segreti (no en móna qualsiasi neh) quando l'ha provà a dir che bisognerìa darghe na… chanche ai ucraìni.
Dai… 'l la tot en giro davanti a tuti come se 'l fus lì solo per ciapàr le misure per sbianchezar, non per.... dir quel che pensa i servizi segreti.
 
La mòco chi. No digo alter.
Anca perché ognì dì ghe n'è una de nòve en quel che no l'è però en cine, o na serie a puntate.
Gh'è qualchedum (tanti...) che ogni ora more, o ciàpa sdinze de bombe en testa o sule gambe.
No, no gh'è gnent da rider.
L'è anca per quel che en televisióm no riesso pù a vardar quele trasmissiom dove perde per esempi quel che ride per prim...