Prést vegnìm ancora a trovàrve, forsi... – Di Cornelio Galas

N'èrem saludai cosìta la doménega pasàda, coi suoceri, a Trent, dopo disnàr, quando el Trentìm l'era en zona giàla (per el covid) e vizìm adiritura a quela bianca, dove tut dovrìa tornar squasi normale.

E se èra 'sì sicuri de quel che se diséva che s'avrìa fàt anca la prenotazìom del ristorante per temp, prima ancora de nàr fòra, 'péna finì de magnar.

Po', n'era vegnù en ment che sta doménega sarìa stà San Valentim. E alora avévem spostà 'l dì. «Dai che tut mal fém la stimàna che vèi. Che l'è anca mèio: vot méter quanta zent che và fòra el dì de San Valentìm?»
Envéze, de colp - el vèndro de sera, meio tardi che mai? - i ne dìs che sém deventài aranzóni.
Che fa rima, se ghe fé caso, con... marzóni, malài màrzi ensoma. E alora tuti de nof serài nei so comuni.
Bar e ristoranti averti sol per darte i scartozéti e anca quei fim a na zerta ora.
Perché - i dìs - adès bisogna far i conti co la variante inglese.
Eco, ghe manchéva anca questa: ma l'Inghiltèra no èrela nàda fòr da l'Europa? E come àla fàt alora sta rogna de virus nòf a vegnìr dénter?
 
Da mesi zamài no fàgo che lèzer i giornai e vardar, scoltàr la televisiom.
E sicome no se fa che parlar de sto virus (e adès de le varianti, dei vazìni) me par de esser deventà anca mì lezù e studià.
Volé savér qualcos dei vazìni Pfàizer, Astrazacheghenè, Moderna, Gionsom e Gionsom (ma no èrela la dita che féva saòm per lavar le mam e sciàmpo per i cavéi?), Sputnik, o de quel cinés Baubaumiciomicio?
Féme en colp (quando de soliti se magna me trové) che ve digo mi quel che so.
E cioè - me par de capir neh - che no sém gnancóra a um. Che no se vede gnancóra el lum ala fìm del bus.
 
Perché, prima e anca adès, no se conós bém, del tut almem, sta cramentàifel de malatia.
Come vegnirgh'en fòra na volta bòna, se coi vazìni se pòl tiràr el fià e, da ultim, cossa far se gh'è apunto ste mùe inglesi, sudafricane, australiane che se méte de mèz.

Entànt, en Trentìm, se torna endrìo. Per do stimàne, va bèm, zamài sem abituai (quei de Bolzàm de pù de noi, per quel) e tutmal l'è na maledizióm se pensé che i era lì lì per avèrzer i skilif, per lasàr passàr su quei che voleva po' vegnir zò coi sci.
 
Fermi tuti envéze. A sciar semai se podrà, forsi, perché no l'è dita, en Piemonte, en Veneto, en Lombardia... Oscia propri dove paréva che la néssa pèzo.
En Trentìm torna el marlòss, tòchi de carta per dir dove te vòi nar, perché e percome.
«Me sa – diséva ùm ancòi al bar dove i ha zà mès el cartèl che da lùni se sèra – che anca st'àm a Pasqua no ocorerà averzer i òvi de ciocolata per capir che sorpresa ghè denter.
«Basterà scoltàr la sera prima la televisiom per savér quel... che i n'ha regalà.»