Cornelio Galas, capodanno – «An che va, an che vèi»

Pubblichiamo con piacere la poesia che Cornelio Galas ha scritto in vernacolo per i lettori de l’Adigetto.it, perché i suoi interventi, le sue descrizioni, i suoi ricordi interessano moltissimo i nostri lettori.
Dedicati al capodanno, questi versi sono la versione trentina del «Tempus fugit».

 AN CHE VA, AN CHE VEI
 
Sènti che casìn, che ciàs
pàr squasi na strózzega
de canderlòti de Santa Lùzia.
 
Par che tut 'sto fracàs
vegna dal bósch su àlt
ma 'l sól el và zamài zo
dàme na pìla che vardo meio.
 
No l'è matelòti che zùga
e gnànca machine o biròzi.
Vàra, l'è sól en por veciòt
cargà come 'n mùs de batarìa.
 
«Ma 'l lassa perder - ghe digo -
che magari ghe v'èi en crèp,
el mòla tuti quei ligàmi
l'è frét, ghe fago en cafè»
'sto omenét, barba da far
zamai da chisà quando,
el me vàrda de sbiéch
po' el tira ancóra i so bagài.
 
«El se fèrma n'atimo, dài
coss'èla tuta 'sta prèssa?
E po' no ghe serve quela roba
l'è vecia, scassàda, da butàr via.»
 
Alóra el se fèrma, el ciapa fià:
«Som l'àm vecio, caro mio,
mèio che me traga 'nvanti,
ché quél nòf l'è drio a 'rivàr.
Vàrdél lazò, zóvem e svelto,
mèio che cora e cora ancora
se nò 'l me vei giust nel cul.
 
Tanta de 'sta mercanzia
che adès me fa tribolàr
l'avevo portàda ai primi de st'am.
I s'è tegnù le robe pu bèle,
quéle da béver e da magnàr.
Quéle che dura come i cerìni
quando te i 'mpìzi contro vènt
m'è restà sol tante promésse
bone intenzióm, acqua che va.
 
E anca mì adès te saludo
quel che ho vist m'è bastà.
 
Ciàpo el binòcol e vardo en là.
Eco l'an nòf, l'è squasi 'rivà.
El me saluda, el ride, 'sto bocia,
el me fa segni coi bicéri en man.
Entant che 'l vecio zamai l'è nà…