El casìm del cambio de l’ora – Di Cornelio Galas

(La moglie)
- Varda che i l'ha dit anca ala televisióm, stanòt bisogna tirar endrìo de n'ora l'orolòi.
(Il marito)
- Ma sì dai, tuti i ani, de sto temp, la solita storia... El so, el so cramento.
- Però po' el dì dopo te tàchi via la solita tiretera... L'è le oto ma sarìa le nove... L'è le óndese ma sarìa mezdì... Meter su da magnar?
- Ma sì, l'è che bisogna 'bituarse, temp na stimàna no se parla pù de sti orolòi nài endrìo.
- Te 'l dìsi ti, come tuti i ani. Fato sta che te a ti te vèi sèmper fam n'ora prima, da nar a pisàr n'ora prima, da nar a dormir... N'ora prima, de far quel che te dovréssi far 'n del let qualche volta... mai.
 
- Varda che l'è quel che te disi tuti i ani ala fim de otober neh...
- Vol dir che anca ti, dàmela e tòmela... te sei en disco encantà.
- Che te diga, ho sentì che i vòl far en referendum per domandar ala zènt se i vol seitàr cosìta o tegnir n'ora gualiva che la sia gualiva tut l'am...
- Ah voi propri véderte dopo...
- Véder cossa?
- Vederte, de sto temp, dir... sarìa stà mezdì... e envéze l'è ancora mezdì, capì come?
- Varda che a mi no me farìa né calt ne frét neh...
- Ah volerìa propri vederte...
- Sì, te digo, se te voi podém provar zà stanòt... Lassém lì l'ora come l'è... senza tirarla endrìo o envanti.
- Se no te voi alter...
 
(Arriva mezzanotte, arrivano le tre di notte... Arrivano le otto di mattina...)
- Bepi, Bepiii... va a farme 'l cafè valà...
- Osc'ia, che ora èlo po'?
- Le òto, le òtooo...
- Le òto? Ma co l'ora vecia o con quela nova?
- Co l'ora vecia...
- Osc'ia, sarìa le sete alóra... Dai voltete che gò ancora sòm valà...