El trentim a l’òbit – Di Cornelio Galas

(Alla moglie)
- ’N do hat més i biglietini per le condoglianze vanzai da quando i ha mes zó el por Pero?
- Vara che te parli de zinque ani endrio; me sa che da alora che stà pù de n’òbit en paés…
- Oscia me toca nar al tabachìm… Avèrzei prima de le tree? No, perché mi volévo far giust en sàlt, darghe la mam ai sói del Bepi, ’na benedizióm co l’acqua santa ala bara; lassàr lì ’l biglietìm e vegnir de volta neh, ghe no gò voia de ciuciarme tuta la messa…
 
(La moglie)
- Spèta che forsi n’è restà um nel secont casét dela credenza… Eco, l’è ’n po’ enfagotà su ma se ’l te va bèm, questo ’l ghè… Se no no savrìa cossa dirte…
- Dai, pitost che na peada nei zebedei…
 
(All’entrata in chiesa)
- Sét chi anca ti per el por Bepi?
(Intanto pensa: No, som chi per n’alter, te sei propri entréch, e se no qualchedum de noi doi ha sbajà obit…)
- Eh sì zamai, ma sat che l’avevo vist ’pena do stimàne endrio… L’avressit dit che se saria nà sì prest al so obit?
- Sì, ma el gaveva el vizi dela bicieròta…
- Ma valà, l’è da quando ghè scampà la sposa de cà che l’ha scominzià a lasarse nar…
- Però entant tel vedevi pu al bar zo de l’Agip che sul camion a laorar…
- Bom putel però, dai, no ’l se meriteva sta fim… Sol l’avés domandà na mam ai amizi…
- Ma quel toc de tèra che el gaveva de sóra al fitom lo venderai a bom mercà adès?
 
(Uno delle pompe funebri)
- Scusate siete parenti del defunto?
- No, no sol amìzi…
 
(Pompe funebri)
- No, perché mancherebbero proprio due per trasportare poi la bara dalla chiesa…
- Ah ma mi devo nar a laorar salo…
- E mi dovria nar dal dentista tra poch… Me dispiàs…
 
(Quando è andato via l’impresario)
- Oh, no te vorai miga che me vaga fora de nòf la spala da l’òs… Che l’ultima volta che ho portà ’na bara l’era quela del Renato Cicio… Na sderenàda… Scolta envéze, dai che mi meto el biglietim e dopo nem a bever qualcos… Vègneme drio…
 
(Incontrano un parente del defunto)
- Condoglianze sat, vara no ghe credo ancora che el Bepi no ’l ghe sia pu… ’Ste robe chi le me ciapa el stómech… No ghe la fago pù a nar a l’obit de amizi… Ne vedem… Scapo… Som zamai engropà!