Te i presto mi i soldi, osc'ia...! – Di Cornelio Galas

Ma... diaolporco. Elo possìbil che ghe sia tanta zènt che vèi dénter a far coménti de quel che scrivo che no ghe z'entra gnènt?
O meio, che ghe sia zènt che soto quel che scrivo - no importa cossa - i me diga che lori i podrìa emprestarme soldi?
Te dìsi: um l'è per sbài, doi l'è perché um l'è nà drio a que l'alter, tréi scominzia zà a esser strani, quatro, zinque... elamadona..., 'sa volé da mi?

De sora gh'era na poesia propri su quei che róte le bale... E alora? 'Sa fénte? Nènte o sténte?
No, putèi, avé sbaià endirizo.
Oh, se sa, se volé mandarme soldi agratis, bràzi avèrti se sa, ma i vòi en contanti en de na létera e senza empegolamenti neh.
No ve convègn? Gnanca a mi me convègn averghe le vosse sbrodolàe sóto quel che scrivo e che gnènt gà a che far co le vosse menàe.
Ne sem capidi dai... Gavé bisògn de far soldi en qualche maniera?
Osc'ia, el me amico Flavio el zérca da mesi qualchedum che ghe lava i piati...
Se volè ghe meto na bona parola.