Galas Ricordi/ 7 – Le foto dei giornài prima del digitale
A chi ci chiede perché oggi facciamo centinaia di foto… non c’eravate quando le foto si facevano con la pellicola?
| Fino a una ventina di anni fa, si usava solo la pellicola. Costi spaventosi. Al massimo 36 scatti per rullino e sembravano tantissimi. Facevi le foto, sviluppavi il negativo, stampavi i provini, li guardavi con il lentino e decidevi quali stampare. E se non andavano bene? Rifacevi il servizio… Chi ha passato la vita con i rullini, quando si è trovato in mano la macchina digitale, che non usava pellicole e vedevi subito il risultato, si è lasciato andare in un’orgia di scatti. Vedi subito se la foto va bene. Ma, nella fretta, meglio farne ancora… E via così. Ed ora l’aneddoto. La mia prima Nikon ad un certo punto si è rotta. La mando alla Nikon che la riparino. «È andata, – mi è stato risposto. – Ha superato 250.000 scatti e le macchine sono collaudate per i 200.000 scatti. Sa, una volta era impossibile arrivare a tanti scatti. Tra pellicole e carta sarebbero costati 20 milioni di lire…» GdM |
Ah, l’era en casin. Propri en grant casin. Disénte subit che le era en bianco e nero.
E che tut partìva da rolìni. Da trentasei, quei novi de paca. Ma pu de spéss da «spezóni», sì, ensóma, tochéti de pelicola, che i te mandéva da Trent ’na volta ala stimana. Dove te gh’avevi al massimo ’na desina de scati. Che però bisognéva star atenti ai primi. Che no i avés ciapà luce.
Ma nénte avanti senza far confusión, oscia …
Alora: te névi fora dala redazión co la nikon del Nèlo (Morandi) o - dopo- cola tó machina compràda a rate dal Fabio Emanuelli.
Pache, casini, operai en sciopero, el sindaco che taia el fioch de l’inaugurazión de l’asilo nof, quel becà con… do grami de hascisc, quel mess dénter perché l’ha robà l’autoradio nel parchegio, l’aluvion, el foch sul cuèrt de ’na casa, en bocia che l’ha ciapà el massimo dei voti ala maturità, el Checo Moser che vei en zità e firma autografi… ensoma dai, tut, da l’ucia ala corazata.
Po’ te tornevi en redazion. E subit nela camera strova. Senza veder gnent te tirevi fora la pelicola dala machina.
Semper senza veder gnent te metévi - col so gancio - sta pelicola en de na roba de plastica. Dove te ghe butevi denter l’acido per el svilupo.
Na scorlada, n’altra. Po’ el fisagio. E tut, co na moieta, el neva tacà su la sogata che gh’era per aria.
Alora, sol alora, te podévi empizar la luce. Alora, sol alora, te capivi se era vegnù fora qualcòs de bon o se te te dovevi meterghe ’na pezza en fase de stampa.
Eco, la stampa. Tut dipendéva da ‘ l temp che te gh’évi. Denter la pelicola ne le so sìne. Meter a foch.
Via la luce. Ciapa la carta e col rampìn de fer mòvela de qua e de la per en par de minuti ne l’acido del svilupo fin che vei fora qualcòs.
Massa contrasto? Oscia via subit nel bagno del fisagio.
Gh’è sol fantasmi su quela carta che te continui a girar nel bazìn? Gira ancora, prova… no se sa mai… Ma oscia ’sto acido l’è sporch, scur come el cherosene … da quant temp elo che dropèn questo?
Zà, anca alora soldi ghe n’era pochi. Soratut per le redazión de periferia come quela de Riva.
I te mandéva zò i «spezóni» ma anca le taniche de acido na volta al més… dai che tanto no gh’avé tante foto da far. Sì ciao, propri alora ne suzedéva de tuti i colori.
Me ricordo quando ero nà su sora Pietramuràa, per na esercitazion dela Brigata Alpina Tridentina (avevo tra l’alter finì da poch de far el conducente muli per quei de dobiaco).
Ben, generài, colonèi, tuti zentìli. I porta anca en biciér de bianco (nel biciér de plastica, se sa) sul palco dove i giornalisti e i fotografi i avrìa dovù veder ’sti «novi muli».
E cioè tratorini coi cingoi, che néva su da per tut. Po’ ’riva l’elicotero. Che ’l doveva tirar su i alpini e portarli con tut l’ambaradàn, en par de còl al de sora.
Oh, ’st’elicotero el scominzia a perder colpi. Come fa de solit le machine restade senza benzina.
Bu bumf bu bumf. El gira verse l Sarca. El va via… po’ te vedi che ’l va via en qualche modo, de travèrs, de sbiéch. E poch dopo en fum che vèi su dai pèzi vèrs Pergolese.
Oscia, i m’ha portà su fin chì co na gìp. Son enciodà. Ma bisogna nar cramento…
Oh, n’elicotero cascà zó… Ghe sarà dei morti? Dei feridi? Domando en giro e nesùni che te dà na man.
Alora zó a pè… trezento metri de sentèri. Tra sgiéve. Na val de sgrebeni.
Arivo en font. Ciapo la me zinquezènto e via vers el fum. Sbaglio stràa. Drio de nof.
En mez al bosch. Po’ a pè. Arivo lì e gh’è sto elicotero ancora che ’l brusa.
Tiro fora la machina fotografica. Clic.
Finì el spezón.
E ’n torno el casìn de quei che è riussì a scampàr a ’na tragedia. I socorsi. Ah, averghe avù en telefonin…
Quando po’ se ariveva a Trent coi rolini da svilupar perché la coriera col fuorisaco zamai l’era partia?
Te trovévi el Giorgio Rossi. Che ’l te vardéva de travèrs…
«No sta dirme che anca stavolta no t’è nà el flesch…».
