Rider per no pianzer/ 3 – Di Cornelio Galas

- T'ho dit che chi, en casa, son mi comanda. Che gà le braghe. Diaolporco, son mi che dezìde cossa far e cossa no far. Cossa se magna la matina prest a colazion, cossa se mete su sul fòch a mezdì, cossa se zàca la sera a zéna, guaiaporcole. Son mi che digo quel che se deve far. Cossa? Cossa? Te vai fora a balar col Gigi? No se sa quando te torni de volta? Oh, ràngiete per zena neh, che mi ho zà mèss su la pignàta col léss per stasera neh ...
 
L'altro dì el Sergio el me fa: «Ma 'sa te pàr de st'istà, che l'è calda, che gh'è l'afa, che no gh'è gnanca en pel de vènt?»
Ghe digo: «Dai, che tut mal, st'inverno, ne parerà destràni no poér nar pù en giro en canotiera...
E l'alter: «Va ben, ma no se ghe la fa pù ...»
- Te gài reson, cramento, o 'l fa massa calt o l' fa massa fret. No gh'è pu le viede mez.
- Ma che dìsela la to spósa?
- Ah quela l'è come ma bisergola. La ciàpa semper el sol su la teràza.
- Ma come fàla a star lì tante ore sóto sto sol?
- La se mete su le creme...
- Propri come la mia. L’istessa roba. Sol che mi, ale tante, ghe l'ho dit: «Fate méter le creme da qualchedun alter, che mi co sto calt no... no 'l soporto.»
- E chi èlo che ghe méte le creme a la to spósa?
- Ah l'avrò vist sì e no do volte. Tut mal stasera i è nài a magnar na piza ensema. Quel che no capìsso... ma bisogna meterse le creme per el sol anca de not?
 
- Andrea, Andreaaaa... Sen ale solite. Dai, no se pol... no se pol. Te sei grant adès, cristosanto. E te l’ho dit mili volte perché le mudande le se ciàma cosita… Perché bisogn mudarle, cambiarleeeee ogni tant. No te podi tegnirle na stimana, semper le istesse… che me se ghe vol dopo tripli de laoro per lavarghe zo la merda…
 
El marì: «Scòlta ben la mama neh, e dàghe da mént, che se no te dago na pezàda che te arìvi da Arco a Trent e te vegni anca de volta, demò. Ma… a proposit de merda, chi èlo che s’è netà el cul coi me calzòti?
 
Pensa ti, l’altra sera la Gina l’era col so morós de strafùch. E è arivà el marì, che ‘l doveva far el turno de not en cartéra. E enveze i ha fat de colp sciopero. Pensa ti…
- Ah…
- Pensa ti che sto… sto amante come i ghe ciama nei cìne, l’è saltà zò dal pogiolo…
- Ah…
- E de soto gh’era le rosère…
-A h…
- El deve esserse sgrifà dapertut… ah no l’è meio che no ‘l vaga tant en giro fin che ‘l gà quei segni rossi ’ndòss…
- Ah…
- Ma, ma che te sét fat ale man e su la facia che te sei pien de sgrifi? No te sarai, no te sarai miga…
- Spèta che te spiego. L’altra not, quando son nà a quela riunion che te disévo dela bociofila… eco, quela lì, nel vegnir de volta sento zigàr qualcheduni soto le finestre dela Gina. Vago lì e gh’è un pien de sgriffi che ‘l domanda aiuto. Che no ‘l ghe la fa a vegnir fora da quele sgiève…
- Ah… e dopo?
- E dopo, a forza de sgratiàr l’ho tirà fora por om. Sol che me son sgriffà anca mi…
- Ah… e dopo?
- E dopo son vegnù a cà, ospia… No vòi de zerto méterghe el bech tra marì e moiér mi …
- Ah… ma el marì dela Gina sàlo ste robe?
- Eh oscia, l’è da ’n pez che ne parlèn mi e la Gina …”
 
- Vara, me basterìa en pèrsech per finir sta macedonia. Vara se te mel trovi…
(dopo dése minuti)
- Scolta, peri séchi no n’ho trovà. Se tei voi marzi, ghe n’è fin che ten voi.
 
- Ma... ma... 'sa gàt da pianzer?
- Stevo taiando na zìgola...
- Ah... ho capì.
- Ma cossa vot aver capì…
- No, digo, se sa, a taiàr zigole vèi for quela roba che te fa slagrimar no…
- No t’hai capì en cazzo. A taiar zigole me son taià anca ’n dè diaolporco!
 
- Mi no so… me son pesà prima de magnar e anca dopo. Sat che pesévo de men dopo?
- Ma si valà, come pòdel esser? Ma te sét pesà vestì?
- Zerto. Ma anca dopo neh…
- Ma, ma gavévit endòs qualcos che magari dopo magnà no te gavévi?
- Oscia, la borsa dela spesa gavévo. Ma quel che ho comprà l’ho anca magnà tut neh…
 
- Scolta, gàt dat en po’ de aria a sta porta dala to banda… che mi la gò giusta.
- Oh, vòt ensegnàrme el mistér de marangón a mi? Ah chi da la me banda no ’n vei dénter aria gnanca se te te dropi el compressor cramento …
 
- Hat sentì del pòr Bortol?
- No, no te me dirai miga che l’è mort, l’è dela nossa età…
- No, ma gà dit che se ’l sèita a alzar el gómbet el fa na bruta fin.
- Eh, difati dai el ghe déva denter… E ’sa fàlo adès? Me sa che no ’l vedrén per en pèz al bar…
- Maché, l’ho apena vist adès che el ciuciéva en bianco co la canucia.