Chi gh’è al bar? – Di Cornelio Galas

- Com’èla che te sei così malmés? At begà co la spósa o col barbér?
- Tàsi, tàsi diaolporco che ho dovù nàr anca dai carabinieri per sta rogna.
- Elamadòna, ’sa t’è suzès da dover nar en quei posti?
- Gnènt, som nà come semper, dopo zéna, zo vizim a l’Agip per farme el solito cafè corèt.
- Ho capì, e alora?
- Osc’ia, gh’era la sagra de quel rióm, no me ricordévo pù. En casìm a moverse. Po’ i ha mès de travèrs quei cosi lì, quei, dai come se ciàmei, i niu gièrsi, cioé quei mureti che i è sèmper reversi e l’è per quel che i deve farli nòvi, niù, varda che ’l so mi l’ingles neh.
- Va bem, ma t’è vegnù endòs sti… come se ciàmei, sti… mureti novi?
- No, cramento, perché me som fermà prima, se sa, no te volerài miga che spaca su la Panda osc’ia.
- E perché set pièm de pache e zeròti alora?
- Te spiego. Vist tut sto casìm fermo la machina en d’en spiàz lì vizim. Smonto. e me digo da per mi: dai valà, tut mal fàgo anca do pàsi, me mòvo fòra, vago a bever el cafè en quel bar zó là… dopo sti niu gèrsi.
- Dai, strénzi, che gò da nar…
- Vago denter en sto locale e no gh’è nesùm tèi.
- I sarài stài ocupài de drìo, àt vardà?
- Zerto che ho vardà. E nesùni che vèi. A ‘n zerto punto ho scominzià a bater sul banch. Gnent. Po’ osc’ia, scominziéva a girarme en pel anca le bale, diaolporco, cossa bisogn far per averghe en cafè?
- E dopo?
- E alora ho tacà via a gosàr: Gh’è nesuni ‘n sto bar? Chi èl ‘n sto bar? Vèi qualcum al bar?
- È vegnù qualcheduni?
- Spèta. Spèta… l’ho dit en tute le maniere: E al bar? E al bar?-  Nesuni… Sol che ale tante è arivà i carabinieri. I me n’ha dat e po’ dàt tante che…
- Osc’ia, e perché?
- Perché qualchedum aveva capì - Alà al kbàr… so bem de l’oscia… cosa el vol dir. Ah dopo i s’è anca scusai neh, ma entant varda chì come i m’ha conzà.
- Zerto tut avrìa pensà trane che ti te fussa deventà arabo, de pù, musulmam…
- Ma va en mona anca ti, valà…