Cornelio Galas, saóri/ 14 – I basini ale violete

>
L’è squasi primavera. Se pol piam piam molàrse fora. E nele campagne, denòr ai muréti, qualche violéta, qualche primula se scominzia a véderla. E alóra l’è temp de basi tra ennamorai.
E anca de «basìni ale violéte».
Cossa elo sti basìni? Basi picoi oscia, no ghe se vol la scala per capirlo. Disénte come i basi perugina dai ma fati en modo diverso. E perdepù co le violéte che zà te senti ‘l profumo prima che ‘l saòr en boca.
Sta ricéta trentina l’ho trovàda sul susidiario de le osterie trentine. El l’ha fat el Nereo Pederzolli, quel col capelon, ben més, giornalista del Tg regionale oscia. Quel che va semper drio a robe naturali, nòsse, e anca a vini, magnàri. Ensoma, el Nereo…
Quanti èi quei che voleria tastar sti basìni? Nesuni che dis gnent. Ah no so se ‘n vanza neh. Po’ no stè robarghei ai altri per piazer. Disente che per quatro-sei che magna ghe se vol alora:
-    N’èto de mandorle
-    Na ciara d’òf
-    Mez èto de zucher
-    En pugnét de violéte de camp (no sté nar da quel che vende fiori dai, che do passi per zercar le violéte i fa anca giust ben …)
Ve digo subit che tra preparar el tut e cosinàr ghe se vol tre quarti d’ora. No sté farli a l’ultim minut…
 
Come se fa? Ciapé le mandorle e tiréghe via la scorsa. Anca quela pelesìna en tra mèz.
Massa casìn? Scoltéme mi: bagné le mandorle en acqua tèpida… No ho dit de farle léss, sol de bagnarle en cicin ne l’acqua che no scota così le pelé mèio.
Netà le mandorle pestéle de brut con qualcos de dur. Deve vegnir fora en gramolà gnèch, no tanti tochetìni de mandorle duri.
Adès meté le mandorle pestàe bem bem en de na scudèla granda e lì dénter sbaté ala svelta la ciara d’òf butandoghe denter anca el zucher. E via che l’è en bel viazàr col frustin… Alè che l’è ancora prest.
Darghe de brut. Vers la fin zò anca le violete. Quante? Dipende dai vossi gusti…basta che no vegna fòra en pastìz de viole al saoir de mandorla e zucher e…anca de ciara d’òf.
Quando sta pastèla l’è bela morbida, fé su co le vosse manòte tante polpéte picole. En mèz, co ‘n dedòt, ghe fé el segn del basìn… disente che en diametro de quatro schei (zentimetri) el podria nar.
Tut sula piastra calda (dové averla scaldata prima) en forno. E lassé che i vaga, piam piam, no a mili gradi, tipo fòch bas, fin quando no i ha ciapà en color dorà. Zalt oro. En pratica l’è come far i «spumóni», quei co la gresta.
Bom: ’sa beverghe drio? Trentino Moscato Rosa el dis el Nereo. E mi no ghe penso gnanca a contradirlo.