Cornelio Galas/ 3: «No vedo l’ora che te vaghi for dai pèi»

> 
Il tempo che passa, scandito da cose da fare, da dare, meno da avere.   
Il tempo che passa secondo leggi fisiche. 
Quella della relatività ad esempio: dieci secondi sono lunghi quando si ha una mano sopra il fuoco, sono cortissimi quando si bacia la persona amata... 

 
 No vedo l’ora che te vaghi for dai pèi
Vara, t’el digo scièt quel che penso: de ti zamai son stuf e agro.
No vedo proprio l’ora de no avérte pu ’n tramèz ai me penséri. E quel dì, ah, quel dì farò ’n balón da no stàr pu ’n pè.
Cossa? Cossa? Te gh’avressi el coragio de dirme che senza de ti no gavrìa quel che gh’ò adès? Che senza de ti sarìa ancora ’n giro a domandar l’elemosina?
Ma valà, valà. Che son sta’ mì, sol mì, tuti i dì, tute le stimane, tuti i mesi, tuti ’sti ani a davèrzer per ti el portafoi.
A tegnìr a man i soldi sol perché ti te continuévi a domandàrmen. E guai a no esser pronti a tirar fora i schèi per ti.
Guai a domandàrte qualche dì ’n pù per pagarte quando ero nei gazèri, quando no gavévo gnanca da poder comprarme da magnar se no basta.
Dura anca to mare. Che la s’ha semper profità del noss ligàm.
Fat de firme dapertùt, de robe che per forza ne tegnìva a un, ma de zèrto no de amor tra noi dói.
E gnanca de rispèt, de comprensión. L’è per quel caro mutuo en banca per tirarme for ’n toch de cà che adès che t’ho dat quel che dovevo no voi pù véderte en mèz ale me carte.
Va da altri a róterghe le bale tuti i mesi.
Mi son a posto e guai a ti se trovo na to létera ’n tra la posta.