El trentin en aereo – Di Cornelio Galas

(Aeroporto, check in)
- Metta tutti i bagagli, anche quelli a mano, qui grazie… Siamo fuori di 4 chilogrammi… Fanno quaranta euro.
- Cossa? Ah adès ho capì perché costa poche l bigliét… Eel rest e ’l binè su co ’ste robe… ma la scusa neh signorina… Hala vist quel che ha fat le carte prima de mi? Quel cicióm? El sarà stà me digo passa ’n quintàl… féghe pagar de pu a quei no… che anca quei i monta su l’aeroplano oscia…
 
(La moglie)
- Dai no stà meterte a begàr anca en ferie, da brao… Dai che nem…
- Va bem va bem… Tira forai quaranta euri alora… Ah scominziém bem… propri bem…
 
(La moglie)
- Dai te prego che ghè la zent de drio che ne varda… Che figure che te me fai semper fàr…
- Nem, nem… Però oscia alora i faga smontàr quel ciciòm… che ala fim vei fora che som chi che ghe paga el biliet ’cramento.
 
(Sul pullman che porta all’imbarco)
- Te me capissi bem… na coriera per far vinti metri… Vara dove i buta via i nossi soldi… Ma dai che do passi i faria bem a tuti… Che dopo se resta per ore engiomài…
 
(La moglie)
- E meno male che i lo fa, dai. Sat che risci se i nés tuti per so cónt sul piazàl?
- Ma se i è tuti fermi i aeroplani… dai che l’è per farghe far qualcos a quei che guida sti trabicoi…
 
(In aereo)
- Oscia no se pol gnanca slongàr le gambe… Me sa che me vegnirà el ganf ora che sem ’rivai… Se nevem en Bondóm a st’ora te saressi zà lì che te ciapi el sol, ostrega…
 
(La moglie)
- E ti zà zó al bar al quart bicièr… dai…
 
(Passa la hostess)
- Cosa desiderate?
- La varda, ’na ciopéta co la bóndola e ’n bom bianco, no de quei spumanti de pomi dolzi però… Capissela?
 
(La hostess)
- Scusi ma non… non…
 
(La moglie)
- Scusi mio marito, va bene il caffè e la brioche… anche per mio marito grazie…
- Ma… ma sto chì l’è cafè de zicoria… El va bem per resentàr le padèle ónte… Ma no gavraì en panìm co la bondola?
 
(La moglie)
- Dai che dopo te stai mal… e magari te me buti su tùt…
- Che mal de recie…
- Te l’avevo dit de tegnirle stupae… Fa finta de stranudar adès…
- Diaolporco… me sa che l’è tut colpa de stò cafè del pit…
 
(Spiegazione delle manovre per eventuali emergenze)
- Ma cossa vot spiegarme putela… Se nem zó pu che farse el segn de la cros… figurete se vardo dove nar fora da sto trabicol… Ma po’ che cine métei su su ’ste televisiom picole… l’è roba del do… No se capìs gnent en ste cufie…
 
(La moglie)
- Scolta, sera quela boca demò… Lezi qualcos… No te va mai bem gnent… Vara che te sei neh…
- Ma no avévei dit che ghera dénter tut? En cafè de zicoria e ’na brioss, seca per de pù… Che zamai i la gà chi da l’am pasà…
 
(La moglie)
- Tasi, te prego tasi…
- E no se pol gnanca nar fora a fumarse ’n zigarèt diàolpòrco…
 
(Atterraggio)
- Ma cossa che bàtei le mam… L’è ’l so mister no guidar i aeroplani… Sarìa come se quel che gò desgosà el cesso el me batés le mam… Ah i lo porta subit a farlo veder dal dotor dei mati…
 
(In attesa delle valige)
- Adès stem chi tute l dì a ’spetàr le valìs… L’è pu ’l temp che te perdi prima e dopo che nar da Trent en tanta mona… Che po’ avressèm pagà anca quaranta euri de pù… i avria dovù meterle per prime le nosse no…
 
(La moglie)
- La prosima volta te lassò a cà sat… No ghe la fago pu…
- Vara, se podés torneria de ritorno… A ’stora sarìa zà lì che fago en sonelìm dopo aver magnà dal Pino Pindol… Chi ’nvéze me sa che la va ancora per le longhe…