El trentin e 'l telefonìn – Di Cornelio Galas

(Suoneria Romagna Mia, alto volume)
- Pronto? (altissimo volume della voce) Prontooooo? Ah te sei ti. Sì, sì, sem ’pena partidi. Me sa che sem drio a ciapar l’autostrada per Milàm zamai. Eh l’è longa…
- Che temp falo lì? Eh difati… masì ‘n colp vei fora ‘l sòl, ’n cólp piove, no se capìss pu gnent co ’ste stagióm… Sì, ho tot drio el maionzìm, sì l’ho trovada la canotiera co le màneghe longhe…
- Ma sì, no te sài pu come vestirte… Ah ’l bocia? Dòrmelo ancora? Oscia, dighe che ghè ’l cagnòt da portàr zo a farlo pissàr prima de mezdì che se no te sai ‘n dove ‘l la fa neh… sì, sì ho tot drio i soldi…
- Ma vara che el magnàr l’ho zà pagà… l’è denter nel mucio col pullman… bom dai ne sentìm dopo… ciao ciao… ah ciàmeme ti che gò denter pochi soldi nel telefonìn… sì, eco… ciao ciao…
 
(Rivolto al compagno di viaggio sullo stesso sedile che fino ad allora ha cercato di riposare coprendosi le orecchie con la tendina del vetro lato esterno)
- Ah l’era me moiér… la sarìa vegnua volentera anca ela l’è che propri l’alter dì ghè vegnù mal de panza… cori cori… ’n par de linee de féver… Meio che la staga a cà valà… che ’sti viazi longhi magari i te buta ancora pù ’n tera…
 
(L’altro fa finta di ascoltare, intercalando «Eh sì… difàti… ensóma… Ah per quel l’è bem véra… se sa»)
- Sì, ma i se fermerà bem al grill spero, gavrìa anca da torme i zigarèti oscia… che ho desmentegà anca l’acendìm se no basta… (sempre rivolto all’altro)… che volerìa bem smèter de fumar… Ho anca ’mprovà pu de na volta. Ma com’ela come no ela… el zigarèt soratut dopo magnà el me ghe se vol… se no no riesso a rilasarme a ’star en paze… continuo a parlar dal nervoso no…
 
(L’altro cerca di inserirsi nel discorso: «Sì, anca mi… giust do mesi fa…»)
(Viene interrotto)
- Perché el casim no l’è tant smetter… l’è tegnir duro, capì come? I dìs che passà i primi dì po’ te vai semper meio… bale, col cuco… L’è dopo che te manca el zigarét…
 
(L’altro: «Ma e quei eletronizi? Per esempi…»)
(Viene interrotto)
- Ma valà che l’è tut bataria… Po’ no te senti el saór del tabach ma de quele putanàe che i ghe mete denter… par profumi… Vot che me meta a ghebàr profumi? Te sarai miga mat…!
 
(Suoneria Romagna Mia)
- Ah ciao, no no tut bem… Che temp falo lì adès? E ’l bocia, elo vegnù su dal lèt? El cagnòt? Set nada ancora de còrp? Eh vedit, zamai te te sei scaricada tuta [l’altro lo guarda con faccia schifata], ma che colór gavevela? Semper diarea? Fate na bela limonàa. Che la strenze… Ma sì, anca en bel riso en bianco… dopo…
- Ah chì tut bem, l’è ‘n po’ ’n mortuorio… Sì, se no ghe fus mi a tegnir su ’n po’ la compagnia… Dai che quando te stai mèio ném a far do salti su dai Dobeloni… ciao ciao… Ciàmeme sèmper ti che gò denter pochi soldi zamai…
- Ah chi el par che ’l piova… Ogni tant vei fora ’l sol… no se sa miga cossa che ’l vol far neh… Ciao ciao…
- Ah dighe al Gino, se ’l passa de lì, che per domam me servirìa na brugola del dese per quel mister… E anca en rùdol de carta vedrada, fina però… Sì si, fina… Che se nò quel mobilét del cesso no riesso a tirarlo fora bem per darghe su la vernìs…
- Ma scusa, sento rumor de acqua… Ah te sei al cesso… Bom ciàmeme dopo ti che som senza soldi nel telefonin… Ciao ciao…»