Rider per no pianzer/ 2 – Di Cornelio Galas

No l'è véra che tuti i posti dove te vai ensù i è gualivi a quei dove te vai en zo.
E se mi nés en via sul pian a metà stràa?
 
- Oscia, così zoven e zà sdentà...
- Eh ma l'è perché ho fempre fpacà le nóf coi denti.
- La madona, ma digo, dopo una, doe, tree t'avrai ben capì no che te te fevi del mal...
- Pfì, pfì per quel. L'è che le gavéva tute denter el biffòl..!.
 
- Dame la man valà.
- Perché, no avén miga begà...
- T'ho dit dame la man de sto por mort oscia che se no no ghe la fago a seràr la bara.
 
- Tei, nente a vardar le stéle che casca stasera?
- Oh, mi vègno anca. Ma po' te le bini su ti neh...

- Vara vara, i le envènta propri tute al dì de ancòi...
- Ma cossa?
- Vara lasóra. En ventilator per aria, a baterìe, per smover sta afa...
- Ma l'è n'elicotero móna.
- No i conosso ben quei enicoteri che te disi ti. I ga le gambe longhe.
- No ghe serve el ventilator per ciapar aria.
 
- Ma quala crisi oscia. Gaveva reson el Berluska: i ristoranti e le pizerie i è tuti pieni. Tochéghe tut ai taliani trane el magnar.
- Te gai resón, scolta, èlo l'istess se la to sposa la m'ha envidà fora a zena?
 
- Ancòi co la paletina avrò demò copà me digo dozento zinzàle e trezento mosche. En poche le ho butae nel cesso. Altre zò dal pogiolo, altre ancora le ho po' brusae nel portacenere. Scolta, no l'è che i me manda en quel tribunal dove i gh'è dà pache a tuti?
- Eh oscia endove po'?
- Si... Quel de l'Ahia.
 
- Come stàlo el to bocia?
- Ah, el seita a trar su. L'è zamai sfinì.
- Se te voi te dago po' na man a butar zo quel che l'ha trat su, vot?
 
- Tèi, ho vist en sàch de putèi zò en piàza.
- Eh oscia, chi saralo stà a métergheli dénter? Pòdei almen respirar o el serà en zima el sach?
 
- Mi no fiderìa sat a nar a zéna dal Berto…
- Ma come? Te parli del Berto cazadór néh?
- Sì, propri de quel che va a càza.
- E perché no se dovrìa fidarse del Berto?
- Perché no 'l ghe vede pu ben come na volta.
-E alora?
- E alora envéze che trarghe a lévri e cavriòi el bèca semper i cagni che fa la paràda...
- E alora?
- Te dìsel gnènt che st'an l'ha zà comprà demò dèse cagni novi e a zéna a so casa gh'è sèmper polenta con quel che secondo lù sarìa carne de selvàdech?
 
- Eh oscia, l'è do ore che te spèto chi ale Prése del Stìf. E erem partìdi ensema dala machina a Malga Zang...
- Tasi, tasi, avevo desmentegà en machina el capèl da sol, e co sto calt... Ensòma ho dovèst tornar de volta cramento.
- Eh, quei che no gà testa gà gambe .
- A proposit, naréssit zo en machina a tòrme la protesi dela gamba zanca che a forza de vegnir su zopelando son strach mort?
 
De nor al lach de Garda. Do vecioti. Uno scambiando l'alter per en pescador el ghe domànda:
- Màgnei?
E l'altro: - Ma cossa vot che i te magna che basta butarghe zò en balòt e i scàpa...
 
- Ma, ma Andrea ’s’hat fat su col libro dei compiti per l’istà? Ma set deventà mat? Cos’èlo sto mazèl, tuti sti tochi de carta sbregài su?
- Mama, l’è stà el papà a dirme che bisogna farne ’n toch al dì se se vol che ’l sia finì quando torno a scòla.
 
- La madòna, quanti fonghi. E sani anca… ma come hat fat che st’an i dìs che se el temp no’l resènta ben i boschi, no vei su gnent?
- Ah caro, bisogn conosser ben le màcie...
Alora quel'altro el core subit a casa. E dopo 'n par de ore l'ariva co 'n vecio linzòl.
- Toh, vàra... Stachì l'è na macia de vin ross, questa de òvi marzi, questa de oio vecio dela machina, e vara questa... Stachì no te la sai gnanca ti che te sei esperto, stà chì l'è na macia de l'inchiostro che se dropéva sti ani a scòla, quando se scrivéva col calamar. Ho trovà la bozèta sul solèr.
 
- Ma tràt zó copi?
- No, son drìo a zernìr le tégole rote da quele a posto...
- Ah, scusa, pensévo che te stravazzési... No, no quel demò l'ho zà fat. Ma però me sa che te sei stà tut mal enmanegà vért ...
- Oscia, no son miga mat. Spèto semper che i màneghi i se seca prima de droparli.
- Ah, alora va ben. Ma scolta, perché alora t'hai dezipà el péz davanti a to cà?
- Oscia, l'era cressù massa. Sat quant che 'l me costéva de balòte ogni Nadal?
 
- Far polìto, me racomando. Mi e la... mi e éla nen via n'oréta. Che no vegna fora che quando tornén de volta gh'è 'l solito casin, neh...
- Ma papà, perché te disi semper le stesse robe quando te vai via co l'amica de la mama?
 
- Ah, te dirò, se no fùssa stà per el Pèro, el me amico de naja, no avrìa miga conossù l'Elena, che dopo ho sposà.
 - Ma dai, cónteme demò.
- Ensoma, a dirla tuta, el Péro l'èra el so morós de l'Elena...
- Ma dai...
- E dopo, pensa ti, l'è sta anca me testimone de nòze.
- Ma dai...
- E dopo, che te diga, quando i ho trovài ensema nel let a me casa...
- Ma dai... Quando i ho bisti lì sul me let ...
- No sta dirme ...
- Beh, cossa avréssit fat ti?
- No so, no so, ma dai...
- Ensóma mi, son nà zó en cantina...
- Ma dai, e dopo?
- Son vegnù su de sora col sc'iòp, col dódese che dropo per nar a caza...
- Madona, e dopo?
- Ho méss denter le capéte, quele grosse, da cavriòl.
-  Ma dai, e dopo, e dopo?
- Ma pensete ti... i era lì che i dormiva e no i aveva vist che 'n camera era vegnù denter en fagiano... Do colpi e l'è stà zamai pront per còserlo co la polentina.