Bòna Pasqua per temp, nelà – Di Cornelio Galas

ZAMAI L'E' PASQUA
 
T'el védi, propri dal bòn, t'el védi,
che zamài qualcòs no 'l và;
che sì, propri quando se dìs
per dàr demò fià ala boca,
no gh'è le stagióm entramèz ...
e ti no so, ma mi som stragnà.
 
Basta do passi defòr ale campagne,
che - ma dài - sénte zà soto Pasqua?
Vigne che seboìss, che volerìa butàr,
anca se st'am no le ha ciapà néf.
Olivi che spèta zidiósi 'pu sòl,
per méterse i so bèi recìni d'arzènt.
 
En sto dàmela-tòmela dele piante,
con violéte che fà le gatìzole,
l'è squasi 'n pecà parlar, scriver ...
per no sfantàr tuta sta beléza,
per no godérse (fin che se pòl)
de sti colori che canta e sóna.
 
Vei 'n mént quando, ani endrìo,
se 'rivéva a cà coi dinòci verdi,
a forza de sbrissìar per tèra
per 'n balóm ciapà a pezàe
giust lazó - sì, vàrda dove te segno -
en quel prà che ciùcia ancor grassa.
 
Ne l'aria se sènte anca l'odor bòm
de quéle erbe che tut mal crésse:
denti de cagn, la camozzin, la zopina,
quela dale balòtole e dale grùse,
la fragolina, el pam porzìn...
la petolàra, la sbusa e la stranudèra.
 
L'aqua del Salóm la và desiguàl,
ala Sarca, come la è sempre nada...
E cosìta vago anca mi, piam, piam,
anca vorìa tant strucàr tut quant,
per no farlo nar via en prèssa
dai òci, dal còr da quel che vegnirà.