Sol ’na scosséta dai... – Di Cornelio Galas

Osc'ia, Franca, pòrteme le pìrole valà.
Me sà che algéri sera ho bevù massa. Tuta colpa de to fradél, me cugnà, diaolporco, con quei vinèi portài da la Sardegna, che no l'è dei nòssi... I gà pù zucher che alcol diaolporco...
No l'è colpa del vìm? Anca tì alóra te l'ha sentù, se vede...
Oh, no l'è che fém la fìm de quei da 'n zo... Alora sto chì l'è propri el teremòt...
Ma se sa, se quei de la Corea de sòra i sbàra le mine soto tera ... se sa che po' vei fòra gazèri anca da noi, cramento.
Tut mal và fora a véder che no ghe sia crepe en teràza. Ah, e anca su alt, che no sia cascà zo le casòte per i pipistrèi, che i dovrìa magnar le zinzàle ...
 
E le tégole? Ele al so posto le tegole?
Me sa che no la finìs miga chi, a ogni modo, me sa che ghe sarà altri scorlóni sàt...
Là zó en Umbria i sèita a sentirle neh? E là zó l'ha fat anca tanti morti neh...
Ma cossa vòt che fente adés? Nàr via per la fifa? Dormir en machina? Ma valà…
No l’è miga come zó a Amatrice. E po’ i nòssi i è zamài là zó per montar le casòte de legn.
No i pòl miga tornar de volta per ste monàe.
Ma chi èlo che me dis che no sénte anca noi na tèra balerìna?
 
Tranquilo, tranquilo. Fin quando el lampadàri el scorla no suzéde gnènt.
L’è quando va via la luce che ghé da preocuparse…
Va a dormir valà. Che se ala televisiom i dìs qualcòs de diferente te svejio mi…