Galas brontolón – Nar fora a magnar el dì de Pasqua

L’è quel che te paghi. Che te magni o no.
Te poi saltar, se te voi, antipasti, primo e sorbét e e nàr subit al cavrét.
Ma quel te paghi, tut mal, ala fin.E alóra, dài, l’è ’n pecà lassàr lì tuta quela roba. 
Che qualchedùn ha laorà per farla. E meterla nel piat che la faga fazión.
Dopo le prime do portàe me sento zà mèz encoconà.

 
Zó en bicier de bianch, fòra a fumar ’n zigarét. E via, diàolpòrco, che per i alpini no gh’è gnent de emposibil, cramento. 
Dròpo anca ’n toch de pan per netàr su ’l sugo dei ravioloni. E via, avanti coi scavi, che tanto da doman torném a magnar lengue de lugherin.
Dai e dai ariva anca ’l cavrét co la polentina, i fónghi.
Ma chi el quel mat che lasserìa lì tut sto ben de Dio? E zó, guaiaporcole, e zó che ’l vaga el cavrét, pora bestia anca lù.
Ma sonte stà mi a coparlo? E tut mal na volta còt ’sa fente, el butente via con tuta la fam che gh’è a sto mondo?
E zó dopo anca la colomba, el cafè, la sgnapa per el resentin.
Che se no te magni tut no te par che quel che te paghi el sia giust.
No no, n’altro amaro, cramento così sém a posto.
 
(Dopo, ala cassa):
Le me scolta, nei trentazinque euri gh’è dénter anca n’alka selzer?
E se no, me lasseresela butarme zó n’atimin sul canapè vizin al bar?
Ma no valà, fago do passi per nar a cà che l'è meio cosìta me sveio fora.
E la sposa: «Sat che sforzi traversàr la stràa... adès capìsso perchè t'hai volù nar a magnar a l'Everest, propri a dó metri da do abitém...»