Cornelio Galas, saóri/ 5 – I Canederli ala trentina
El so, el so. Tuti a dir: «Vot che no sia bon de far i canederli?» E mi te digo: «Gnanca bon. Dai fame véder.» Eco, eco che zà te te trovi embroià
>
Per quatro che magna
Alora, per quatro che magna, prepàrete en chilo de pam vecio, mez liter de late, meza mortandèla ’nfumegàda dela val de Non alta, mèza lugànega del Trentin, zènto grami de speck del Trentin, perzémol, salvia, tre spichi de ai, zento grami de grana trentin, do ovi freschi, nós moscata, zento grami de buro, bròdo de carne, zentozinquanta grami de farina bianca, sal e pèver.
Pronti? Via che ném
Taié su el pàm vecio a cubéti e metélo nel làt tèpit per almén do ore.
Taié a dadòti la luganega del Trentin, la mortandèla ’nfumegada dela val de Non alta, el speck del Trentin.
Meté ensèma ’sti tochéti al pam, al prezémol, a l’aì che avré taià fin fin.
Zò la nós moscata, el sal, el pever, el grana e i do òvi. Dai, mòver le mam.
En po’ de farina. E via ancora co l’oio de gombet.
Empastar. Empastar. Empastar, oscia.
En banda avré més su el brodo de carne. No de dado, de carne… oscia.
E adès butéhe zò i canederli. Basta quìndese minuti.
Po’ i volé en brodo? Basta cosita.
I volé col ragù? Ma alora doveve farlo prima…
I volè duri? Tirèli fora prima. I volè moi? Tirèli fora dopo.
Oh, féi come i ve pias…
