I ha fat en sol comun: ArcoDroDrena – Di Cornelio Galas

- Scolta, dovrìa sbianchezar dal de fòra la me vecia casa. Sat, da quando som tornà dal Portogàl, ho scominzià a far dei lavoréti per perderme via, che te sai che a mi l'ort no l' m'è mai piasù... ah 'l fago per i neòi zamai neh. I m'ha dit de nar en Comun su a Zeniga... ma se abito a Vignole osc'ia...
- Oh, me par che te caschi semper zó dal pér su ste robe. Sarà meio che te te agiorni na volta per tute, miga podo èserghe semper chi mi a darte le drite giuste.....
- Sì, scusa, te gài anca resóm per quel, ma spiegheme... perché a Zeniga?
- T'avrài bem vist i cartèi su la stràa.
- Sì gh'era en nome lónch come 'l prà dela fàm per quel, ma 'n do èlo quel posto nof?

- Alora te spiego. Te te ricorderai che i comuni dela Val de Leder i s'era messi ensèma per far 'n comum sol che se ciaméva e se ciàma ancora Ledro no?
- Sì, si me ricordo quel. Ma 'l nome sul cartel l'era pù lónch.
- Difàti... quel l'è el nome del nof Comum tra Arco, Dro e Drena:- Arcodrodrena.
- E perché dovrìa nar a Zeniga?
- Perché el municipi de tuti e tré i veci comuni i l'ha fat dove gh'era i capanoni del Gigagiòi, sàt dove se nèva a zugar al buwling? Oh gh'è stà en sach de discussióm neh per arivar a 'sto posto. Ala fim i è nài sù perfim co la corda metrica e è vegnù fora che lì a Zeniga, sì poch dopo el capitèl de le guardie de la peste, ensoma, fati tuti i conti no i era nè massa lontani da Arco, nè massa vizini a Dro e Drena. Na via de mèz dai.
 
- E i ufizi dei comuni de prima?
- Per entant i è ancora vòdi perché no se sa bèm chi cossa meterghe denter. Pensa che i ha tàia anca la luce, l'aqua e 'l gas propri perché entant no vaga denter magari qualchedùni a piantar le tende.
- Te sèiti a contarme robe da no creder... ma e Riva envéze?
- El comum de Riva i l'ha mes ensèma a quei de Tém e Nach e Torbole. El nonf comum - ma osc'ia te l'avrai bèm vist sto cartel ancora pu lonch de quel de prima - el nof comum te disevo el se ciama: Rivatennonagotorbole.
- Ah sì, l'ho vist ala fim de la Lopio- Busa... ma 'l me paréva na reclam. Ma vai d'acordi tuti sti comuni zontài en de um sol?
- Te dirò che entant che no te gh'eri en dì sì e l'altro anca no i scrivèva de alter sui giornai. Begóni, zent che nèva anca sul dur, ofèse, minàze. Pò quei de Trent i gà dit: «Così l'è o pomì. Volè restar tuti su la vòssa? Bom, da noi no ariva pù n'euro, rangiéve...».
 

 
- Diaolporco, no avrìa mai dìt.
- Ah gnanca mi gavrìa scomés su na roba del genere.
- Ma 'n do èlo che i ha fat la sede per sto comune de Rivatemnachtorbole?
- Anca lì l'è nada envanti me digo n'am, n'am e mèz. Riva che la volèva dropar i capanoni a la Baltera, Tem che 'l voleva ricomprarse per quel el castel, Nach e Torbole po' no i se metèva d'acordi gnanca tra de lori.
- E alora?
- E alora ala fim gh'è vegnù en ment de dropar i veci forti sul Brióm.
 
- La me parerìa 'n po' scomoda... fòr de màm, disente.
- Ma no, te lassi la machina al port de Riva e da lì te vai su co le machine eletriche. Se però te voi butar zò do chili te pòi nar su anca a pè così, come se dis, te meti ensèma el piazèr col dovér no?
- Bela roba... ma e la Comunità de Val, quela che aveva ciapà el posto del Comprensori?
- Ma te poi enmaginar... la contéva come el do de cope (quando la briscola l'è denari) zà da prima. Nesùni se scòrt che no la gh'è pù.
- E quei ufizi lì?
- Lì denter i gà lasà che ghe lavoreva prima ma per far Ma altri mistéri.
 
- E che altri mistéri elo?
- Ma devo propri contarte tut. Va bem, fente anca questa, vara che dopo però devo lasarte perché giust che t'hai parlà de sbianchezàr me vei el pitór en casa.
- Va bem, va bem...
- Alora, temp fa i ha vist che en Busa gh'era massa zent, massa foresti, massa turisti. E i ha brigà de dir: tanti va bem, de pù no.
- No stà dirme che i ha més i tornèi...
- Speta, speta. Sì, i ha mès i tornèi. Picoi per quei a pè. Medi per quei en bici. Grandi per le machine. E ancor pu grandi, se sa, per le coriere. Per i camiom enveze gh'è dei permesi per so cont da far.
 
- Ho capì... ma cossa ghe z'entrela la Comunità de Val?
- Perché quei che lavoréva lì i gavèva zà i numeri de tuta la Busa no? E alora col compiuter - gh'è en fil che ariva ai vari tornèi - i capìs quanti 'n vei e quanti và de volta e i fà do conti. Se i è massa quei che vei i schiza el botom e ariva subit i vigili a fermar quei en de pù.
- Anca questa po'... ma scolta, n'ultima roba. Che stèmi, che gonfaloni gài sti nòvi comuni che te me disi?
- T'ho dit che gò da nar. Varda, per adès te digo sol quel de Arcodrodrena: gh'è dénter n'olìf, en castagner e na brugnera. Adès làsseme nar però dai che 'l pitór se no 'l me fa pagar n'ora en pù. Anca perché, te dirò, per quel de Riva Tem e Nach e Torbole i è ancora drìo che i ghè studia sora... e me sa che la narà per le longhe.