El disnàr de Nàdàl – Di Cornelio Galas

Dai dai che l’è zamài le óndese. Nar che nare co quel ’ròsto. Miscia oscia, miscia che se no se tàca zò tut.
No… no stà dirme che te te sei desmentegà de méter su ’l brodo.
E ti, envéze che pindolàr co le cufie nele recie… se te parecièssi la tàola no sarìa meio?
Digo: ma se pòl envidàr vinti parenti e trovarse a ’sti passi?

Oh, hat tirà fòra el salmòn dal frigo? Madona, l’è ancora engiazà… Métel sora la padèla de la pasta che entant el s’entepedìs…
El pam, el pam, el paaaam… Diàolpòrco…!
Dai che stà mal meter do ciopéte su la tovaia… almén en zestèl… En mantìm soto, meio se co le stéle colorae.
E che vim hat tòt? Ma no, ma no la sciàva… Ho capì t’hai comprà la tanica da dese litri… Ma che fénte, metém la tanica en tàola co l’orèl per stravasar?
 
E va de là a darghe na mam a to sorèla che zamai l’è da stamatina che la prova a montàr la ciàra d’of per far el tiramisù… E i savoiardi? Vot far el tiramisù coi biscoti sechi?
No ghe sen, no ghe sen… L’è ani ch’el digo: pu bel che nar fora a magnar e che ognun se paga el so? Che cosita la cosina la resta nèta per san Stèfen… Dai dai che i ariva, scantabaùchi oscia, nar che ne nare.
Ma vara che quei cortèi lì i va bem per taiàr el buro no per el filét… 
 
Tut mi devo dirve… Ciavéve!