El trentin che sbaglia numer – Di Cornelio Galas

- Pronto? El scusa se disturbo, ghe sarìa posto ancòi per dói?
- Oscia, chi su do pèi… Saréssem anca ciapai ancòi… El speta però neh, che parlo col me socio
- Sì, el varda no l’è per mezdì, semai anca stasera, vers le nove…
- Sì ma no l’è quél el problema, l’è che… El speta che sento neh… N’atimo
(Sottofondo musicale, Requiem di Mozart)

- Pronto? El scusa neh, el varda i me dis che se pol far… Basta che el vègna chi per le òto e mèza stasera. Dói el m’ha dit, ma… veci, zoveni, da vestir anca?
(Perplesso)
- Zoveni sì, odìo, miga mocinèri neh, ma bisogna vegnir vestidi bem?
- Beh se pensé voi ai vestiti ne faresse anca ’n piazèr, che l’è quéla la roba pu brigosa.
- Sì sì va bem, ma de solit no l’è che se sia senza, ensoma na roba a modo se sa…
- Ah basta bem che i faga faziòm… soto no ocor gnent zamai
- Oscia, che burbero che l’è… No ’l volerà miga che se vegnim senza mudande…
- Se volé… Ma tanto no se vede se le g’hè o no le g’hè neh na volta denter…
 
- Ma salo che l’è propri simpatico… l’è la prima volta che me trovo a parlar de vestiti con uno che fa ’l so mistér…
- Eh purtropo prima o dopo da mi se deve vegnir…
- Difati i me l’ha consilià tanti amizi… Sàlo l’è la prima volta... Ho domandà en giro prima.
- El se fida, el se fida, che ’l vedrà che ’l sarà content… Odìo, contènt no, l’è na parola che no sta bem. Disénte che no ’l gavrà modo de lamentarse…
- No, no i m’ha propri parlà bem de lù, del servizio, de come el stà drio ala zent… Propri bem.
 
- Grazie, ah per le carte ….
- El varda, no voi gnanca vederla la carta, me fido de lu, el faga quel che el fa de solit coi altri.
- Ah se nol vol alter… Sì tanto ghè temp anca dopo neh…
- Eco, se ne trovém bem el vedrà che vegnim ancora.
- Odio, sperém de no per elo, anca se ghe dirò, pu de spés se vèi da mi mèio la ne va… Capiselo come no?
- Va bem, alora ale oto e meza…
 
- Mi son chi, no scapa nesuni da chi tanto… El vedrà che pàze.
- Difati i m’ha dit anca che l’è propri tranquilo el posto.
- Beh, disénte che ghè zent che no dis gnanca baf… Che tase ensoma.
- Bem l’è propri quel che zerchem, sàlo. Mi e la sposa, en sti momenti, l’è tut en nar e vegnir, correr, strussiar… En po’ de paze…
- Capisso, capisso… Salo dove che sem?
- I m’ha dit de nàr al nof centro comerciale no…
 
- Sì, sem semper stai lì per quel. Ah, el staga atento, che sul cartel, anca per no spaventar la zent, no gavèm mess el nome dela dita ma sol quel mio e del me socio.
- Eh oscia, elo si brut el nome del locale, no me pareva… No èrelo Tratoria Vecia Fontana… Oscia sì, l’è chi che ho telefonà…
- Oh madona, me dispias, me dispias salo, no, chi l’è Pompe Funebri Ultimo saluto de Taiadela e Toléme associati. Me dispias tant sior…
- Gnente, gnente… tanto a dirghela tuta, l’era la sposa che voleva nar a magnar fora stasera… Mi stago anca poch bem… comunque…
- Beh se gavès bisogn en futuro el se ricorda…
 
(Toccandosi)
- Come no…