Ela Ma(ra)dona... – Di Cornelio Galas

No stè capìrme mal. Ve'l dìgo sùbit. No gò gnènt contro el Maradona che zughéva al balóm e che l'è mort en sti dì chì.
Pàze a la so anima. E a tuti quei che gà volù bèm.
Quel che me làssa n'atimìm embroià l'è tut el ciàs che i ha fat dopo che l'è mort.
Capìntene, va bèm el luto en tut el mondo. Va bèm che a Napoli che sia ricordi del Diego squasi de pù che en Arzentina.

Va bèm anca che i giornai e le televisiom le àbia dàt spazio – en sti dì chì – pù a Maradona che a tut el rest.
Però – me domando e domando anca a voi – no l'è che de colp sém deventài tuti mati?
Che st'ém ensóma nàndo en po' fòr dai gàngheri?
Mi no starò chì de zèrt a dir se l'era meio Maradona (a zugar al balóm) o Pelè. Tra l'alter me par che quel che ha fàt pù gol al mondo l'era ùm de l'Austria.
Ma se sa, l'è come te fai gol, come te scarti sei zugadori (portier compreso) come el Maradona contra l'Inghiltera, che te fa deventar el mito, el «dio» del balóm.
 
Bòm. Però a mi no m'è mai piasù quel gol de Maradona co la màm. Màm de Dio? Ma dai, che se alora ghe fùs stà la Var el sarìa stà de zert anulà.
E po' cossa ghe z'entra la guera tra Inghiltera e Arzentina per le Folkland? Maradona a Cuba (dove pàr che el gàbia tre fioi non ancora riconosùi).
Taiénte el prà come se dovrìa taiàrlo. De là le robe che st'òm l'ha fat quando el zughéva al balóm.
Da l'altra quele che l'ha fàt come òm de colp piém de soldi.
Eco. Alora da na banda gavém el calzadór che col balóm el féva quel che 'l voléva. E che dopo el s'è trovà con tanti soldi en scarsèla. Quando da bocia el féva squasi la fam.
 
Oh, i ha fàt dei cine su sta storia. E va benóm.
Tanta zènt che pianze en tut el mondo? Va bém, se pòl capìrlo.
Ma no sté dirme però che Maradona, al de là de tut neh, el sia deventà de colp en sant, come Gennaro.
Speténte, almém, qualche miracol. Ma no n’altro gol de man.
 
Me vèi da pensar che ghe sia bisogn, en sto mondo covid-dipendente, de qualcòs de strani da adorar, come dir, da tegnìr ne le mam come quéle robe de oro che a messa le tèi denter le particole.
Stém atenti, demò, che come qualche més fa cantévem sule teràze, adés no sténte piànzer Maradona per l'istessa storia: gavém paura de no tornàr pù come prima.
Propri quando vardévem Maradona zugar... E no pensévem de zèrt a mascherine e bàle varie.
E gnànca che morìs el Diego a sessant'anni... con tuti i soldi e i medizi che el gavéva.