Ma ti per chi tègnit? – Di Cornelio Galas

L'è propri vera: ghe n'è sèmper una de nove (bèle, ma soratùt brute) su sto mondo. E l'è difìzile dir se domàm vegnirém fòr dal let come quando sém nàdi a paióm la sera prima. Per dir: fim a qualche stimàna endrìo se parléva ancora del covid. E 'n televisióm gh'era quei che la sa longa su sto virus.
Adès, de covid s'en parla sol ala fim dei telegiornài. Poch prima dele previsióm del temp.

Sì, ensoma, dai gh'è tra l'alter anca sta rogna chì.
Ma prima, al posto dei esperti de coronavirus, gh'è generài, zent che ha studià la «geopolitica», o quei che da ani i sa tut de soldai, bombe, perfim de iodio (en caso de na nòva Cernobil), de bunker, de quel che podrìa suzéder se la néss ancora pu mal de quel che la va.
 
Po' gh'è anca le nove parole. Prima la néva de locdàun, de bùster, de rt (eretì), de numeri de malai, de morti, de quei che era entubai.
Adès la va de: narrazione, deterrenza, forze in campo, e ultimament anca de «né… né». Cioè de quei che no tèi né per Putin, né per la Nato, né per i Ucraini (accento sula prima ì o sula a? Boh, ognum el faga quel che 'l vol).
 
En pratica vegnirìa fòra (da quei che stà sula sua) che se i russi i sta fasendo (ma sénte sicuri? No elo tut cine falsi? – come che i dìs) quel che i sta fasendo, la colpa la sarìa anca dei ucraìni e anca de l'America, e anca de la Nato. Che ensoma i russi i sarìa stài «zizegài» da quei a ovest.
Che i gavrìa mes i misili propri davanti a i so confini. Che i volerìa darghe na mam ai «drogài e neonazisti» de l'Ucraìna (no digo, per decenza umana, quel che l’ha dite el Patriarca de Mosca..).
E alora – i dis i «né né» – dai, anca i russi no i podéva star lì a star bòni e tàser.
 
Da chì vèi fora anca che zerti ospedài per i boci no i sarìa stài bombardai: i era voidi (dis i russi) e dénter gh'era soldai de lóri, quei co le svastiche perdepù.
Tut quel che se vede nei cine dei telefonini? Monàe. Anca quel che – fim che s'è podù – se vede dala Russia.
Come quela veciota coi cartei, empachetada su come na terorista (magari ‘sti ani l’èra stata na terorista?).
 
Se sa che quando sciopa le guère, da na banda e da l'altra se tende a farla grossa. A far veder quel che fa pu comot.
Mi, per no savér né lezer né scriver, aspèto en po' tuti sul bachetòm. Perché se pòl sconder tut quel che se vol, ma prima o dopo, anca i putelòti russi mandai a far la guera contro... quei che podrìa esser i so noni en Ucraina, i vegnirà de ritorno. Magari en de na bara. O tutmal con nei oci robe che no i desmentegherà pù,

E l'istéss suzederà per quei che en Ucraina i zerca coi fùsìli - che magari no i sa gnanca cargar - de difender le so case.
De zerto qualchedum l'ha enviada via sta guera. E la guera no l'è mai giusta.
Vol dir semper tornàr endrìo ai tempi dove vinzéva quel che gavéva el bastóm pu gross...