El trentin che mete a um el giardin – Di Cornelio Galas

(Sta lavorando in giardino, il vicino lo saluta)
- Ehila, zèrto che far ’sti laóri co ’sto calt ah…
- Eh prima o dopo bisogn pur taiar ’st’erba, darghe ‘na zimada a le piante vizim ala ramada… ghe n’è semper da far… Po’ la spósa da quando som en pensiom… Cornelio, vist che no te gai gnent da far ghe saria da…
- Tasi tasi, anca mi gavevo quel problema… Ma l’ho risolt per fortuna.

- E come ghe set vegnù fora, dimel anca a mi che… Se no se se dà na mam tra vizini…
- Ah, vara, entant mai contradirla, dirghe semper de sì ala sposa. Anzi, tacarghe… Sì sì, el fago subit demò…
- Eh ma alora te sei del gat… Te toca laorar come mi.
- No, ’sta ’tento ala gabola…
- Dime, dime che m’enteressa ’sta storia.
- Alora, ’na volta che te ghe disi de sì, te te meti la tuta, te tiri fora i atrezi… L’è sol quel el fastidi. Dopo…
- Dopo?
- Dopo te fai finta de trapolar… oscia, meti de méterghe zò benzina nel taiaerba… .de netar qualcos…
- Ma l’è sèmper laoràr… per finta ma laorar…

- Speta, speta… Quando la sposa la ciapa su l’autìn e la va a far la spesa zo a Arco, te ciami el Marco, sat quel che gà la sera lì a Vignole, el fiol de la pora Genia, el fradèl del Claudio… Eco, se sa che ne sem messi d’acordi da temp no, eco… Lu ’l riva, ’n do minuti el mete tut a posto, entant ti te vai al Primavera a béverte el cafè a vardar i giornai…
- Ma se la sposa entant la ’vei de volta?
- Te devi farte furbo caro mio. Entant che te sei al Primavera te ghe fai ’n colp de telefono. Per saver come la va, per dirghe de torte quel e que l’alter che te manca a l’Agraria, ensoma te la ’mpienisi de robe da far, de pensèri… Che la staga via almem fin a dopo mezdì.
- Oscia, te sei propri ’na faina… Dame el numer del Marco valà…
- Sì però vara che bisogn darghe en preaviso de almem do tre dì… L’è ciapà en ’sta stagiom coi alberghi e anca coi privati…
- Sì si va bem, entant fago finta de far qualcòs ancoi… Cos’el che te fai ti de solit? Ah, trapolàr drio al taia erba… eco… Sì el taia erba, la benzina…
 
(Squilla il telefonino del vicino)
- Ah ciao, ciao cossa ghè? Som chi zò bas… eh… Ma no… el Marco?
(La moglie)
- Sì, el Marco el Marco. L’ha telefonà adès… Sì sul telefono de cà… No so chi ghe l’abia dat… No ’l ghè su l’elenco… A ogni modo el voleva parlar con ti… El dis per quei soldi che ghe vegniria… Ma che mistèri gat en bal ti col Marco?
- Ma gnent gnent l’era… l’era ’na sorpresa… Quel candalùa!
 
(La moglie)
- Sì propri ’na bela sorpresa… El dis che l’è da do mesi zamai che te gai promés de darghe i so zento euri… Ma no te sarai miga nà en giro a zugar e a perder a carte neh?
- No, l’era na sorpresa te digo… Sat… fiori… Oscia no ’sta farme dir tut prima del temp…
(La moglie)
- Fiori? Ah te regali fiori a qualche sbrindola en giro? Vei vei su che fem i conti adès… Propri na bela sorpresa…
- Ma no, senti, l’era per el nos aniversari de matrimoni… Gavevo dit de tegnirme via ’n mazét che fes fazióm… pien de rose rosse…
 (La moglie)
- A parte che ‘l nòs aniversari l’è zamai pasà e no te te sei gnanca ricordà… Fussa anca t’abi fat confusion come te solit co l’aniversari de la to prima sposa… Vat a ordinar le rose do mesi prima del temp? Le fa a ora a secarse… Tutmal adès vòi propri vederlo ’sto mazét da zento euri… Se no el Marco i soldi no ’l li ciapa de sicur…
- Sì sì, adès sistemo tut mi… Vegno, vegno… Sì, ma no… T’ho dit che parlo mi col Marco…
 
(L’altro)
- Oscia, vara me sa che l’è meio che me daga da far sat col taiaerba… Ah te sei mess pu mal de mi me par… Po’ spender adès dozento euri… Zento per i laóri fati e zento per comprar quele rose da farghe veder… No no meio che me rangia… -
- Ma valà che sistemo tut… La sbaia la sbaia ma po’ no la morde miga sat…
- Sarà, ma dala cera che la gà la to sposa, dirìa che te convègn scominziar a corer…
 
(La moglie del vicino sta arrivando con in mano una fattura di Marco e nell’altra un mattarello.)