Cornelio Galas: «non è cambiato proprio tutto, la Lopio-Busa...»

Gh’era na volta – oltre al Pero che se vòlta – na campagna che no finìva pù. Anca néle còl de sóra.
Tèm, Val de Léder. Nàch. Tuti contadini, se sa. Ruganti da arlevàr per far luganeghe e tut el rèst.
Bròcoi a Torbole. Carne salàda méssa via per temp. Oio, cavaléri, pègore per el giòm da méter sul guìndol.

Come se stéva? Bastéva méter ensèma la colazióm, col disnàr, cola zèna. Averghe en vestì per nar a méssa o ai matrimoni o ai funerài. Se se contentéva dai.
Po’ le guère. La fàm. Case butàe zó dal Pipo. E per fortuna che l’aria l’èra bòna, per vegnir fòra da la tbc.
E per fortuna che i todeschi i è semper stài ennamorài de ’sti posti. Che anca quando sen deventai ’taliani ciapài col sciòp, i ha dessì continuà a vegnir. A magnàr, dormir, béver da le nòsse bande.
Schizzém el botón envanti. Le fabriche.
Che tante dopo le ha serà. I alberghi, che tanti i è finidi en man a quei che fa su case.
I artezàni. Che ha strangolà co le tasse e le carte da far. I boteghèri: che dopo è vegnù quei grossi che i vende de tut per de mén.
 
Le stràe envéze le è semper quéle. Sì, dai, i ha fat qualche slargo, endrizà qualche curva, i ghe fa far el giro larch a Riva e Arco se no i camiion i dà fastidi. Po’ tante stradóte. Per nar da chi a là.
Ma se te voi nar a Roveredo, oscia, fate el séign de la crós. No gh’è pu el semafor de Mori. Ma gh’è quel de Nach. E quante che i ne conta ogni dì per dir: oscia, se sa, l’è ’n bel casìm, farém, farém… bisogna far.
Lèzo che adès, qualchedun dis che forsi saria meio che quei de l’Autobrènner, i se rangia, anca coi soldi, per far sta tiràca, sì sta bretella come i dis da temp.
Ma voi sé pissòti, no ve ricordé quando a so temp, trent’ani e passa zamai, propri quei de l’autostrada i aveva presentà en progieto. E i se sarìa rangiài lori, anca coi soldi. I gh’à dit de no. E alora bonanòt sonadori.
Adès ’sa se pòl far? Poch e gnènt vist l’andazzo. Speràr, pregàr, spetàr.
Ma alora forse valerìa la pena no ilùder la zent.
Dai, endrizènte quele do svolte, da quéla dei rospi endré, dai che tanto quando i vei zò en la Busa i s’enmucia l’istéss.
Ogni tant ghe penso però: méti che prima de far la Maza, l’unica straa che gh’è adès, i avés fat tute l casìn per la Lopio-Busa…
T’enmaginìt che per nar a Roveredo magari bisognéva nar su per Vèl e vegnìr zo da San Felìze?