A carneval se và tuti en po' de mal – Di Cornelio Galas

La finta risata, la finta lacrima, la finta verità;
La maschera subacquea, la maschera antifede, la maschera antigas.
  >
 Ma no sté comprar le maschere e i costumi. Che i gavém zà entórno 
 
QUEL «TUT CASA E CESA».
Che se i ghe sgriffa l'autim el deventa na bestia. No 'l fa la constataziom amichevole. El ciama i vigili, la polizia, l'esercito. E po el va en giro col colarim sol quando el va a messa.
 
QUEL DAL «BRAZOT CORT».
Che na volta l'avés pagà el cafè al bar, na volta el se fus ricordà de rénderte en favór.
Sto chì el sparmia anca su la maschera. Perché propri no 'la mete: così l'è.
 
QUEL CHE «VOLTA' L'ANGOL…».
El parla de colp al contrario. Tute le robe bèle sul to cónt le devènta come quéla roba che te rumega nel stómech... e po te buti sù.
 
QUEL CHE «ME BASTA LA ME SPOSA».
E dopo el fa cicì e ciciò con tute le done. Basta che le ghe daga da mént.
 
QUEL CHE «STI ANI».
El vive nel so bel mantèl nero. Che ghe scónde tut trane che el dedrìo.
E el bel l'è che per questo ànca na repetàda la devènta storia da contàr.
 
QUEL CHE «TEI, NO TE SAI CHI SOM».
Ma sì, na volta te féve el finanzier. Te févi paura. Adès però sior no védelo che ghe n'è almen zinque davanti a lu nela fila?
(e no l'è miga finìa chi...)
 
QUEL CHE «TE CIAMO DOMAN».
Dela stimana del no se sa, del més del miga, de l'am del mai.
 
QUEL CHE «TE SAVESSI...».
Come se magna bèm en quel posto. Come se sta bèm en quell'albergo. Come i te trata bèm en quela botéga.
E en quei posti, te te scorzi dopo, no i l'ha mai vist.
 
QUEL CHE «PRESTEME LA MACHINA».
Che g'hò da nar chi vizìm. E el te la rende che no ghè pu zo gnanca en góz de benzina.
 
QUEL CHE «NO GO TEMP GNANCA PER PIANZER».
E tel vedi tut el dì al bar a zugar coi videopoker…
 
QUEL CHE «AH L'ERA NA BRAVA PERSONA».
El 'l aveva mandà en mona proprio el dì prima che el nés a farse ciavàr.