Dai, che ném a magnàr en pàze – Di Cornelio Galas

No gò gnènt contro i bòci. Som nono, zamai. Anca mi me son trovà con fiòi picoi.
E anca mi son stà bocia. Anca mi en combinévo de tuti i colori, no stévo mai fermo, corévo e zighevo.
Ma me sa che piam piam la s’è voltàda, la storia.
’Na volta, per dir, quando se néva a magnar fora (la piza e l’aranciata, stop) ensèma ai nossi veci, se te scominziévi a frignar, far gazèri, zugàr coi tochi de pam e far robe che podéva dar fastidi, la néva de scopelóni.
E se dopo el prim scopelóm no t'avevi capì bem cossa t'avressi dovù far (o meio,no far), te n'arivéva n'alter. Con to papà che 'l diséva: «Questa l'è la prima rata, el rest t'el ciàpi dopo a cà.»
 
Adès envéze l'è i puteloti, me par, che comanda. Dapertut.
E soratùt quando te pensi de podér magnar tranquilo perché vizìm (prima) no gh'era che n'altra copiéta come noi, co la candelina empizzada e 'l vaso coi fiori (anca finti magari) che... capì come?
No, ariva enveze a quel punto i barbari. Grandi, picoi, medi.
Oltre al scaregaménto, che no te capìssi se i è drio a traslocar o cosa, tàca via el gnìo gnào dei passegini (secondo mi i dovrìa farghe pagar el bol e l'asicuraziom come i autini vist che i è semper pu grandi), i te dà denter anca nela schena, ma tanto, l'è en passegim neh, miga en cararmato, par che i te diga.
 
Quando ale tante i se senta zo tuti quanti, i popi i scominzia a far el concertim coi piróni, coi cuciàri, coi cortèi.
Quel pu picol enveze el bate i pugnoti sula careghéta tacada ala tàola (che quei del ristorante i deve avérghe neh, se no no vegnim pu chi... magari osc'ia), fin quando ariva el magnar.
E per en po' le boche le gà tute qualcòs da far, trane che parlar e zigar.
Ma dura poch sta calma. Perché qualchedùm se méte de zèrto a pianzer come se i lo stéss fracassando de bòte, quei pu grandi i taca via a correr tra i tavoi fasendoghe far le gimcane ai camerieri e i so genitori...
Eco, l'è quei che secondo mi i risc'ia ades de ciapar scopelóni dai fiòi se sol i tenta de dirghe qualcos.
Perché n'ho vist pochi de quei che a 'n zerto punto i ghe dis ai fiòi de no far casim, che sem al ristorante no en piazza o nel cortil de casa.
E anca quei che ghe dis qualcòs a sti boci enmanegai verdi i fa ancora pu casìm: Andreaaaaa, silenzioooo...».
Che l'Andrea par che no 'l senta quel che i gòsa, quel che anca en cosina i ha sentù.
 
E dopo torna tut come prima. Na volta che l'ho dit, en d'en ristorante, al mètr (no per quel l'era ben pu alt d'en metro neh) e cioé: «Cossa me diserésselo se de colpo scominziés anca mi a far i concerti coi piróni, i cuciàri i cortèi? Se scominziés a zigar e po' anca a correr su e zo dal locale? E se la me sposa la zighés: «Corneliooo... fa zitoooooo!»?
«Eh sa – el m'ha rispòst – se queste mura, questi tavoli ma soprattutto quel locale di là dove... non visti ogni tanto ci sfoghiamo, potessero parlare... ma non possiamo fare niente.
«Pensi che l'altro giorno un cameriere inciampando in uno di quei marmocchi ha rovesciato gran parte delle portate addosso a una signora.
«Non le dico quanto ci è costato l'incidente. Però le dico cosa hanno detto i genitori di quel bambino... nulla.»
 
Ah, desmenteghévo. No parlo miga de sagre paesane, mense de le fabriche, feste ala fim de l'asilo, posti dove te magni tant al chilo neh...
E no, ho desmentegà el casim che fa anca i grandi.
Quando per esempi i parla col vivavoce al telefonim.
E dopo, se ’l t’enterroghés su quel che l’ha dit, te savréssi risponder tut giust, a memoria.
Ma gavrém modo de parlar anca de ste robe chi...