Gò pensà sù e... – Di Cornelio Galas

No, no, no sóm en torobét. Mai stà en torobèt. Um che cambia idea da la matina ala séra perché ghe convègn. Ho scrit che no avrìa pù pagà i soldi per star ne l'Ordine dei Giornalisti. Perché sti chì i vol farghe far i corsi de agiornamént anca ai pensionai come mi. Ho scrit anca che no avrìa pagà pù el sindacato dei giornalisti. 
E difàti, fìm adés, no ho pagà né i soldi de l'Ordine, né quei del sindacato.

E alóra cossa è cambià? Qualche dì fà me arìva a cà na létera, con dénter la tessera del sindacato giornalisti.
No gh'è gnanca ’na firma. Parerìa che i l'avés mandàda da n'ufìzi, come ’na roba che se deve mandar.
Tanto ai giornalisti pensionai se ghe tòl via el zero virgola trenta per zento per el sindacato dala pensiom.
Me domando: «'Cramento, èlo obligatorio? Magari domandar prima no? Vòt veder che ho fiormà na carta - senza saverlo - che m'empégola co la Fnsi fin quando mòro?»
 
Ensóma, adès me trovo en mam sta tessera del sindacato dei giornalisti.
Bòm, grazie neh. Ma grazie al cazo... chi èlo che m'ha rinovà la tessera? Chi èlo che ha deciso, al posto mio, che sóm ancora iscrito al sindacato dei giornalisti?
E no l'è finìa chi...
Ho scrit che no avrìa mài pagà pù el bolìm de l'Ordine dei Gornalisti. Per quéla storia dei corsi de agiornamént.
Bom. Me domando alóra: perché devo pagar el zero virgola trenta per zent de la pensiom (mai dat l'autorizaziom per el 2017) per el sindacato dei giornalisti quando no vòi pù - l'ho dit en mile maniere - esser iscrito a l'Ordine?
 
E ancora: «Diaolpòrco. Som iscrito (no so gnanca mì perché) al sindacato dei giornalisti, ma se no fago i corsi de formazióm no podrìa far el giornalista.... se no risc'io "sanzioni disciplinari".»
«Ma, digo, metéve d'acordi. Me par che quando se trata de ciapàr soldi, da mì, som giornalista. Pò però vèi fòra le gabole....
 
La fàgo corta.
Narò en sti dì chì a pagar el bolìm de l'Ordine dei Giornalisti a Trent.
Po' seiterò a scriver, su giornai, riviste, en do’ che vòi. Anca senza ciapar soldi neh.
E me denuncerò da per mi: oh, Ordine, no ho fat i corsi, ma scrivo dapertut.
Dài, mandéme la multa... Che dopo la mando al sindacato che en qualche maniera mantègno da quarant'ani. Va bèm cosìta?