Cornelio Galas/ 5: «E oscia, i m’ha blocà la carta di credito»

De cólp me scàpa l’ocio. Su le mèil. Carta di credito bloccata.
Elamadòna. Vot véder che la spósa l’ha comprà qualcòs senza vardar quanti soldi gh’avèn sul cont?
Ah – digo tra de mi – la vegnirà ben sul bachetòn. Oscia, i n’ha blocà la carta. Vol dir che sen sóto, sóto… De pu che nar ne le grote de Patòm.

Vardo mèio sto mesàgio. Che l’è strani. Perché no i me dis de méterme a posto. Sol de darghe i me dati.
Ma benedeto, se te me disi che son fòra come ’l levà vòl dir che te sai zamài tut de mi, dei me conti, de quel che hò magnà fora. O no?
Gnanca el temp de pensarghe su e ’riva n’altra meil. Stavolta l’è la Posta.
Anca chi la va mal che pu mal no la podrìa.
Diàolpòrco. Ma mi no gh’ò mai avù conti en Posta. E no gh’ò mai avù gnanca quéla carta di credito…
Ah, quando arìva la sposa la fen fora ’sta storia.
Tei, son pensionà. No podo miga pagar con quel che no gh’ò…
La dovrà darse na calmada. Ah, se sa, le braghe en ’sta famea le gh’ò ancora mi.
Che no vegna for monàe…