Cornelio Galas, politichese – I trentini e le liste per le elezioni

Dialogo telefonico con il responsabile della commissione elettorale di un partito in vista delle «comunali».

Il responsabile politico: «Ciao Bruno, ciao. Scólta, vàra che no vànza miga tant temp neh… oppa, bisogna trovar i candidài se no le liste le gh’avém sì, ma de légn, sula schéna dai capi…»

L’altro: «Ma no avévit dit che te gh’avevi zà ’n sàch de nomi, che anzi forsi bisognéva lassàr fora qualchedùn?»
«Tèi, ma sét zà ónt a le dése de matina? E sì che no l’è le prime elezión che te prepari con mi. Zèrto che i nomi grossi i gh’è, anca quel che dovrìa deventàr sindaco. L’è el rest che dovén zercàr… anca quei che ne firma le liste en Comun… te sai no che bisogna che tirénte su na caterva de firme…»
 
«Va bem, ma chi zérca? No me par che ultimament ghe sia tanta zen tale riuniom…»
«Scominzia col Gino, quel che adès l’è ’n pensión e che l’è dénter el grupo dela ciesa… el vegniria bòm, el conóss tra l’àlter en sach de zent. E po’ vot méter? Tute le veciote de la cà de riposo che el và a trovar col volontariato…»
«E che ghe diga al Gino??
«Oh, sveiàrse, dighe che senza de lù no podèm sperar gnanca de nar denter en consiglio comunale, envèntete qualcòs. Dighe che semai dopo ghe sarà en bel contributo a le so asociaziom… dai, nar che nare che gh’ò ancor da vardàr come sen messi a tessere…»
 
El Bruno el va al bar del paés dove l’sa de trovar el Gino:
«Ehila Gino, che ’n pèz che no se se vede… Bévit qualcos?
«Sì dài, en bianc de quel bon con do patatine… se propri te vòi…»
«No gh’è problemi (ma ’l pensa: scominzién bèn, anca pagàr devo per ’ste monàe), dai sèntete chi che gh’avrìa na roba da dirte…»
«Cossa? No sarà miga sucès qualcòs de brut al prete… ma se l’ho lassà che el steva benóm dopo Messa…»
«No, no, (fa cenno di avvicinarsi) l’è che ghe sarìa na proposta per ti, na proposta de quele bòne, credeme…»
«Vara che tra oratorio e veciòti son pién de mistèri fin su ’n zima. No te ’nmàgini gnanca quel che gh’ò da far. Laóro de pu adès che son en pensión de quando févo i turni en cartéra…»
Ma podria vegnirte for qualcòs anca per i to veciòti… Scolteme ben, se trateria de vegnir en lista con noi per le elezion che zamai ghe sen neh…
«Mi en lista? E a far cossa? Far numer?»
«No, l’è stà i capi a far el to nome. Perché ti te sei, come dir, nel sociale, te vai d’acord con tuti, e tuti i te stima en paès…»
«Va bem ma mi de politica no capisso gnènt, no so parlar en ponta…»
«Ma na volta elèti basta lassarghe parlar a quei lezui, quel che conta l’è che te porti le to idee, che te ciapi tanti voti tra le to conossenze che alora sat un che ciàpa en fracco de voti…. magari i te fa anca assessor al sociale o de na commissione de l’ospedale… Ah? Che ’n disit?
«Bruno, vara, làsseme for dai tovi valà…che mi stago bem dove sòm.»
«Ma dài che l’è n’ocasion che no capita tuti i dì. I santini tei fen noi no stà preocuparte. Paghén noi da bever e magnar a quei che envidem ai incontri eletorali… Ti no te spendi gnent e te podi deventar un che conta en sto Comun… penseghe, penseghe…
«Vara, no so propri come dirtel, ma giust ’na stimana fa è vegnù anca i vossi concorenti a domandarme la stessa roba…»
«No sta dirme che te te candidi con lori…no stà farme questa Gino…
«No, no… Gh’avevo dit che dovevo pensarghe su, le stesse robe che te sto disendo a ti»
«E alora?»
«E alora dopo en par de dì i m’ha telefonà e i m’ha dit che ghe dispiaseva ma entant i avèva zà serà la lista, che no i saveva che vegniva con lori uno…»
«Ma chiedo, sto chi che i ha preferì a ti?»
«El Tulio Snoncio… Sì quel che me par l’aveva fat l’assessor con voi l’altra volta no?»
El Tulio? Che fiòl de na bona… che traditòr…gh’el digo ai me capi…ma alora te poi vegnir con noi sicùr de ciapar anca i so voti no?
«No la farìa così fàzile: la fiola del Tulio e ’l me Claudio tra do mesi i se sposa… Te me capissi bèm… en suocero de chì e uno de là… no starìa tant ben dai…»