Ho magnà for tùt – Di Cornelio Galas

Diaolporco, sì, è nà tùt 'n móna. Ho magnà for tùt quel che gavévo.
Domam matina, per dir, no gò gnanca n'euro per el cafè. Nèt come 'n pom. Come 'l cul de 'n bocia 'pena netà.
Nèt, osc'ia.Na vita a laorar, na vita a strussiàr. Per cossa? Per no podér gnanca méter enséma la colaziom co... la colaziom.
Gnanca 'n cafè, guaiaporcole.

Come sònte arivà a 'sti pàssi? No 'l so gnanca mi. No 'l so, 'cramento.
En matrimòni nà a màl, el secònt pèzo. Fiòi, neòi, case ipotecade. Bever, fumar, far finta de viver come prima...
Ah, no so quel che m'è suzès... fato stà che no gò pù gnent.
Vago 'n giro per la zità. Come n'ebete, n'embezìl.
Gò rispèt a domandar la limòsina. Me tègno a um en qualche maniera. Pur de no dar a 'ntènder che som nèt, senza soldi e magari anca sporch.
No sòm abituà a sta vita. Na volta fèvo el grande. Giaca, cravata. Bondì dotór. Bonasera dotór. Come vala dotór?

Na spósa bèla, na casa bèla, na machina bèla, en fiòl bèl, en laòr sicùr, soldi, magnar fòra.
Adès no ghè pu gnent. Giro come 'n lumàz, cioè vago fòra quando scominzia a piòver e tuti i gà prèssa.
Così no i te varda en facia, l'è come se te fussi um... come i altri. Che de zert gà qualchedum a casa che lo spèta, che de zert no stà mal.
Som mì – se sentì i telegiornai – quel che co la crisi è restà ’n banda.
Ma cossa vot che me ne frega del Renzi, del no, del sì… L’è zà tant se no penso a butarme zò nel lach.
Che po’, el so, la rogna, l’unica rogna, dopo, sarìa questa: chi èlo che paga le spese de l’òbit de sto chì?