Cornelio Galas, saóri/ 12 – Bròcoi de Torbole

>
Mai tastài i bròcoi de Torbole (sul lach de Garda)? Savè almen che i è i pù boni del mondo?
No? Va ben, v'el digo mi, fidève na volta tant. Po' ve spiego tut su sti bròcoi.
Entant però dai che provén a far na bela sformàda de bròcoi de Torbole. Che se pol magnarla anca se no se gh'à i denti. Che la resuscita i morti. Che la fa ben per tut.
Alóra fen na roba per quatro. Se po' ve pias podé semper farghela anca ai suoceri, ai amizi. Basta moltiplicar per do, tre, sei. No per dese se no se trata de 'n matrimoni o de la cresima o dela prima comuniom dei boci.
 
Pronti subit sul tàol dela cosina:
- en bròcol de Torbole
- n'of entrech
- dozento grami de ricota
- vinti grami de parmigiano regiano gratà zò ben ben
- sal e pever quant che ve pias
- n'altro mez bròcol de Torbole (ve spiego dopo a quel che 'l serve)
- zento grami de formai talegio (quel gnech che se schiza subit per capirne)
Po' tegni da na banda dele fete de pan toscan, quel senza sal no?

Se scominzia così. 
Ve digo subit che va via quaranta minuti per prepara sta sformada de bròcoi de Torbole. E altri vinti minuti i serve per coserla.
Alóra no sté méterve a spadelàr a mezdì pasà se volé magnar a le so ore giuste. E la sera no sté encoionarve davanti ala television.
Da dove scominziènte alora?
Entant lavè el bròcol soto l'acqua del secèr. Tiréghe via le fòie e metéle en de na padelona co l'acqua salada a boìr.
Quant lasènte lì sti brocoi a boir? Quando sarai pronti? Fè cosita: quando ve par che ghe sente ciapé en cortèl e vardé come 'l và dénter nela parte pù dura de solit del brocol, quela pu vizina al cor del bròcol no quela che tegnì in man, oscia.
Valo denter come nel buro? Bon ghe sen. Stentelo a narghe denter? Spetè n'atimin ancora.
Bon quando ve par che 'l cortel el diga de darghe da mént, scolé tut en del colapasta. E po', quando l'è bel sut, taiélo su a tochetini fini fini, tritélo ensoma. Podè dropar la mezaluna (meza neh, no entrega) opura quei robot che de zerto i v'ha regalà al matrimoni e gh'avè ancora nel nailon da qualche banda per la briga de droparlo e soratut de lavarlo (oscia l'è 'n pecà rovinarlo per i brocoi, staré disendo, ma valà bacùchi, alora tegnilo lì nel nailon che i ve lo meterà zo nela tomba a farve compagnia se propri volé, cramento).
Bon dai che ne perdèn en ciacere per gnent.
 
Se va en vanti così.
Taiai su sti brocoi en qualche maniera? Miscé tut co la ricota, miscé ancora. Meio. Podè far pu ben dai.
Adès denter l'of entrech (dopo averlo rot e butà via il gùs, se sa, ma sonte drio a spiegarghe la riceta a zent che no è gnanca bona de far na fortaia? No, tant per saver).
Denter anca el formai grana gratà (narìa ben anca el Trentingrana neh...) e na spolverada de pever. No massa ... se no 'l sà pu de pever che de brocoi dopo.
Adès miscé ancora, ancora tuta sta roba. Avré capì che 'n cosina se fa anca tanta ginastica. Meio, no? Così ve vei fam desigual...
Miscià tut butè zó sta pasta liquida, ensoma che par en frulà denter dei stampi dove gh'avré mes prima buro entorno e soto, dapertut perché no se taca gnent.
No gh'avé i stampi? Ma quando avé fat la lista noze avé dit sol del robot? Oh, i stampi ghe vòl, févei emprestar da qualcheduni che ve diga. Se 'l savevo ve prestèvo i mei ma... el sónte mi che no i v'ha mai regalà i stampini. Ma gnanca ala festa del divorzio? Mah...
Bom tut mal sti stampini pieni i va messi en forno zà calt a 160 gradi per vinti minuti.
E questa l'è nada.

E se fisis così. 
A parte adès dové preparar la salsa. Sbolenté n'altro mez bròcol (ve l'avevo dit che en serviva ancora mèz o no?).
Scolélo come quel de prima e taiélo su a tochetini. Meio saria far tut col frulador o con quel robot che me auguro no 'l sia ancora nel nailon.
Scaldé adès sta specie de crema en de na padela ensema al talegio taià su a tochetini.
Bassa la fiamma del gas, me racomando... Quando el formai el s'è colà del tut via la padela dal foch.
Entant i sformadi nel forno i dovria esser pronti no? Bon tirèli fora (gavré ben i guanti o qualcos per no scotarme spero... Se no per el prosimo aniversario de noze fevei regalar, ma dime ti... No gh'è gnanca n'atrezo che sia uno en sta casa), lasséi polsar per zinque minuti.
Po' reverséi sui vari piati da portar en tavola (quatro en sto caso). Ensoma, dal cul su drit. E sora pian pianel la so bela salséta fata a parte.
Volé che el piat el faga pu fazion? Che 'l se presenta ben? Do ciufetini de finocio, qualche mister de l'ombrela de robe de ort, na pipiarela de salsa qua e là. Tochetini de limon, n'aranz, qualche nos (senza el gus dai). Quel che volè.
E no dovrìa dirvelo ma... ghe se volerìa anca el cuciar per magnar... E se no dropé quei tochetini de pan toscano che v'avevo dit. Come far la scarpéta, capì come? Ma subit, senza spetar la fin.
 
Cosa beverghe drio.
Cossa beverghe drio? Scoltéme mi. Sto chi l'è l'antipasto.
Quei lezui e studiai sul vin i dis che naria ben en spumante con perlage elegante, giallo paglierino, con profumi di frutta matura e lieviti, fresco e sapido.
Metodo Classico Trentino Doc. Parola di James Bond.


  
 E adès parlém, en talian, del bròcol de Torbole
Se si raccolgono ottimi broccoli anche a pochi chilometri dalle montagne innevate, nel pieno inverno trentino, lo si deve alla vicinanza del lago di Garda e al Pelèr, vento mattutino proveniente del nord-est, che crea un microclima ideale negli orti di Torbole e Linfano, sulla sponda trentina: un lieve innalzamento della temperatura sufficiente a evitare la formazione di brina, che è deleteria per l’infiorescenza dei broccoli (detti in dialetto la brocola).
All’interno della variegata famiglia dei cavoli-broccoli, il broccolo di Torbole (Brassica oleracea Botrytis) costituisce una specie a sé in quanto col tempo ha perso alcune caratteristiche comuni e ne ha acquisite di nuove, migliorando e ingentilendo il suo sapore.
Ha un’infiorescenza a corimbo simile ad una palla, di colore giallognolo. Se lasciata crescere, la pianta, che si sviluppa fino all’altezza di quasi un metro, si riempie di fiori gialli. I semi, di un colore rosso scuro, vengono messi a coltura verso la fine di giugno e protetti dall’eccessiva insolazione con stuoie, frequentemente bagnate.
Le piantine sono pronte al trapianto dopo un mese, quando hanno 5 o 6 foglie, e la loro messa a dimora in pieno campo viene eseguita ancora in modo manuale.
Il broccolo cresce rapidamente e senza cure particolari, se non quella di essere innaffiato con regolarità nelle prime settimane dopo il trapianto.
La brocola è piccola, mediamente 4, 5 etti, ma bisogna considerare che anche le foglie più interne sono eduli.
Gli agricoltori usano stallatico per la concimazione e ne raccolgono ogni anno appena 30 mila esemplari.
Il seme viene tramandato nelle famiglie degli ortolani: tutti hanno sempre coltivato questo broccolo che ora è oggetto di studio anche da parte dei tecnici dell’Istituto Agrario di San Michele all’Adige.